Psalmorum 31
1 in finem psalmus David in te Domine speravi non confundar in aeternum in iustitia tua libera me
In finem, Psalmus David, pro extasi. In te Domine speravi non confundar in æternum: in iustitia tua libera me.
2 inclina ad me aurem tuam adcelera ut eruas me esto mihi in Deum protectorem et in domum refugii ut salvum me facias
Inclina ad me aurem tuam, accelera ut eruas me. Esto mihi in Deum protectorem: et in domum refugii, ut salvum me facias.
3 quoniam fortitudo mea et refugium meum es tu et propter nomen tuum deduces me et enutries me
Quoniam fortitudo mea, et refugium meum es tu: et propter nomen tuum deduces me, et enutries me.
4 educes me de laqueo hoc quem absconderunt mihi quoniam tu es protector meus
Educes me de laqueo hoc, quem absconderunt mihi: quoniam tu es protector meus.
5 in manus tuas commendabo spiritum meum redemisti me Domine Deus veritatis
In manus tuas commendo spiritum meum: redemisti me Domine Deus veritatis.
6 odisti observantes vanitates supervacue ego autem in Domino speravi
Odisti observantes vanitates, supervacue. Ego autem in Domino speravi:
7 exultabo et laetabor in misericordia tua quoniam respexisti humilitatem meam salvasti de necessitatibus animam meam
exultabo, et lætabor in misericordia tua. Quoniam respexisti humilitatem meam, salvasti de necessitatibus animam meam.
8 nec conclusisti me in manibus inimici statuisti in loco spatioso pedes meos
Nec conclusisti me in manibus inimici: statuisti in loco spatioso pedes meos.
9 miserere mei Domine quoniam tribulor conturbatus est in ira oculus meus anima mea et venter meus
Miserere mei Domine quoniam tribulor: conturbatus est in ira oculus meus, anima mea, et venter meus:
10 quoniam defecit in dolore vita mea et anni mei in gemitibus infirmata est in paupertate virtus mea et ossa mea conturbata sunt
Quoniam defecit in dolore vita mea: et anni mei in gemitibus. Infirmata est in paupertate virtus mea: et ossa mea conturbata sunt.
11 super omnes inimicos meos factus sum obprobrium et vicinis meis valde et timor notis meis qui videbant me foras fugerunt a me
Super omnes inimicos meos factus sum opprobrium et vicinis meis valde: et timor notis meis. Qui videbant me, foras fugerunt a me:
12 oblivioni datus sum tamquam mortuus a corde factus sum tamquam vas perditum
oblivioni datus sum, tamquam mortuus a corde. Factus sum tamquam vas perditum:
13 quoniam audivi vituperationem multorum commorantium in circuitu in eo dum convenirent simul adversus me accipere animam meam consiliati sunt
quoniam audivi vituperationem multorum commorantium in circuitu: In eo dum convenirent simul adversum me, accipere animam meam consiliati sunt.
14 ego autem in te speravi Domine dixi Deus meus es tu
Ego autem in te speravi Domine: dixi: Deus meus es tu:
15 in manibus tuis sortes meae eripe me de manu inimicorum meorum et a persequentibus me
in manibus tuis sortes meæ. Eripe me de manu inimicorum meorum, et a persequentibus me.
16 inlustra faciem tuam super servum tuum salvum me fac in misericordia tua
Illustra faciem tuam super servum tuum, salvum me fac in misericordia tua:
Domine non confundar, quoniam invocavi te. Erubescant impii, et deducantur in infernum: (Sheol h7585)
18 muta fiant labia dolosa quae loquuntur adversus iustum iniquitatem in superbia et in abusione
muta fiant labia dolosa. Quæ loquuntur adversus iustum iniquitatem, in superbia, et in abusione.
19 quam magna multitudo dulcedinis tuae Domine quam abscondisti timentibus te perfecisti eis qui sperant in te in conspectu filiorum hominum
Quam magna multitudo dulcedinis tuæ Domine, quam abscondisti timentibus te. Perfecisti eis, qui sperant in te, in conspectu filiorum hominum.
20 abscondes eos in abdito faciei tuae a conturbatione hominum proteges eos in tabernaculo a contradictione linguarum
Abscondes eos in abscondito faciei tuæ a conturbatione hominum. Proteges eos in tabernaculo tuo a contradictione linguarum.
21 benedictus Dominus quoniam mirificavit misericordiam suam mihi in civitate munita
Benedictus Dominus: quoniam mirificavit misericordiam suam mihi in civitate munita.
22 ego autem dixi in excessu mentis meae proiectus sum a facie oculorum tuorum ideo exaudisti vocem orationis meae dum clamarem ad te
Ego autem dixi in excessu mentis meæ: Proiectus sum a facie oculorum tuorum. Ideo exaudisti vocem orationis meæ, dum clamarem ad te.
23 diligite Dominum omnes sancti eius quoniam veritates requirit Dominus et retribuit abundanter facientibus superbiam
Diligite Dominum omnes sancti eius: quoniam veritatem requiret Dominus, et retribuet abundanter facientibus superbiam.
24 viriliter agite et confortetur cor vestrum omnes qui speratis in Domino
Viriliter agite, et confortetur cor vestrum, omnes qui speratis in Domino.
