Psalmorum 29

1 psalmus David in consummatione tabernaculi adferte Domino filii Dei adferte Domino filios arietum

Psalmus David, in consummatione tabernaculi. Afferte Domino, filii Dei, afferte Domino filios arietum.

2 adferte Domino gloriam et honorem adferte Domino gloriam nomini eius adorate Dominum in atrio sancto eius

Afferte Domino gloriam et honorem; afferte Domino gloriam nomini ejus; adorate Dominum in atrio sancto ejus.

3 vox Domini super aquas Deus maiestatis intonuit Dominus super aquas multas

Vox Domini super aquas; Deus majestatis intonuit: Dominus super aquas multas.

4 vox Domini in virtute vox Domini in magnificentia

Vox Domini in virtute; vox Domini in magnificentia.

5 vox Domini confringentis cedros et confringet Dominus cedros Libani

Vox Domini confringentis cedros, et confringet Dominus cedros Libani:

6 et comminuet eas tamquam vitulum Libani et dilectus quemadmodum filius unicornium

et comminuet eas, tamquam vitulum Libani, et dilectus quemadmodum filius unicornium.

7 vox Domini intercidentis flammam ignis

Vox Domini intercidentis flammam ignis;

8 vox Domini concutientis desertum et commovebit Dominus desertum Cades

vox Domini concutientis desertum: et commovebit Dominus desertum Cades.

9 vox Domini praeparantis cervos et revelabit condensa et in templo eius omnis dicet gloriam

Vox Domini præparantis cervos: et revelabit condensa, et in templo ejus omnes dicent gloriam.

10 Dominus diluvium inhabitare facit et sedebit Dominus rex in aeternum

Dominus diluvium inhabitare facit, et sedebit Dominus rex in æternum.

11 Dominus virtutem populo suo dabit Dominus benedicet populo suo in pace

Dominus virtutem populo suo dabit; Dominus benedicet populo suo in pace.