Psalmorum 24

1 psalmus David prima sabbati Domini est terra et plenitudo eius orbis terrarum et universi qui habitant in eo

Prima sabbati, Psalmus David. Domini est terra, et plenitudo eius: orbis terrarum, et universi, qui habitant in eo.

2 quia; ipse super maria fundavit eum et super flumina praeparavit eum

Quia ipse super maria fundavit eum: et super flumina præparavit eum.

3 quis ascendit in montem Domini aut quis stabit in loco sancto eius

Quis ascendet in montem Domini? aut quis stabit in loco sancto eius?

4 innocens manibus et mundo corde qui non accepit in vano animam suam nec iuravit in dolo proximo suo

Innocens manibus et mundo corde, qui non accepit in vano animam suam, nec iuravit in dolo proximo suo.

5 hic accipiet benedictionem a Domino et misericordiam a Deo salvatore suo

Hic accipiet benedictionem a Domino: et misericordiam a Deo salutari suo.

6 haec est generatio quaerentium eum quaerentium faciem Dei Iacob diapsalma

Hæc est generatio quærentium eum, quærentium faciem Dei Iacob.

7 adtollite portas principes vestras et elevamini portae aeternales et introibit rex gloriae

Attollite portas principes vestras, et elevamini portæ æternales: et introibit rex gloriæ.

8 quis est iste rex gloriae Dominus fortis et potens Dominus potens in proelio

Quis est iste rex gloriæ? Dominus fortis et potens: Dominus potens in prælio.

9 adtollite portas principes vestras et elevamini portae aeternales et introibit rex gloriae

Attollite portas principes vestras, et elevamini portæ æternales: et introibit rex gloriæ.

10 quis est iste rex gloriae Dominus virtutum ipse est rex gloriae diapsalma

Quis est iste rex gloriæ? Dominus virtutum ipse est rex gloriæ.