Psalmorum 146

1 alleluia Aggei et Zacchariae

Alleluja, Aggæi et Zachariæ.

2 lauda anima mea Dominum laudabo Dominum in vita mea psallam Deo meo quamdiu fuero nolite confidere in principibus

Lauda, anima mea, Dominum. Laudabo Dominum in vita mea; psallam Deo meo quamdiu fuero. Nolite confidere in principibus,

3 in filiis hominum quibus non est salus

in filiis hominum, in quibus non est salus.

4 exibit spiritus eius et revertetur in terram suam in illa die peribunt omnes cogitationes eorum

Exibit spiritus ejus, et revertetur in terram suam; in illa die peribunt omnes cogitationes eorum.

5 beatus cuius Deus Iacob adiutor eius spes eius in Domino Deo ipsius

Beatus cujus Deus Jacob adjutor ejus, spes ejus in Domino Deo ipsius:

6 qui fecit caelum et terram mare et omnia quae in eis

qui fecit cælum et terram, mare, et omnia quæ in eis sunt.

7 qui custodit veritatem in saeculum facit iudicium iniuriam patientibus dat escam esurientibus Dominus solvit conpeditos

Qui custodit veritatem in sæculum; facit judicium injuriam patientibus; dat escam esurientibus. Dominus solvit compeditos;

8 Dominus inluminat caecos Dominus erigit adlisos Dominus diligit iustos

Dominus illuminat cæcos. Dominus erigit elisos; Dominus diligit justos.

9 Dominus custodit advenas pupillum et viduam suscipiet et viam peccatorum disperdet

Dominus custodit advenas, pupillum et viduam suscipiet, et vias peccatorum disperdet.

10 regnabit Dominus in saecula Deus tuus Sion in generationem et generationem

Regnabit Dominus in sæcula; Deus tuus, Sion, in generationem et generationem.