Psalmorum 140
1 in finem psalmus David eripe me Domine ab homine malo a viro iniquo eripe me
Psalmus David, in finem. Eripe me Domine ab homine malo: a viro iniquo eripe me.
2 qui cogitaverunt iniquitates in corde tota die constituebant proelia
Qui cogitaverunt iniquitates in corde: tota die constituebant praelia.
3 acuerunt linguam suam sicut serpentis venenum aspidum sub labiis eorum diapsalma
Acuerunt linguas suas sicut serpentes: venenum aspidum sub labiis eorum.
4 custodi me Domine de manu peccatoris ab hominibus iniquis eripe me qui cogitaverunt subplantare gressus meos
Custodi me Domine de manu peccatoris: et ab hominibus iniquis eripe me. Qui cogitaverunt supplantare gressus meos:
5 absconderunt superbi laqueum mihi et funes extenderunt in laqueum iuxta iter scandalum posuerunt mihi diapsalma
absconderunt superbi laqueum mihi: Et funes extenderunt in laqueum: iuxta iter scandalum posuerunt mihi.
6 dixi Domino Deus meus es tu exaudi Domine vocem deprecationis meae
Dixi Domino: Deus meus es tu: exaudi Domine vocem deprecationis meae.
7 Domine Domine virtus salutis meae obumbrasti super caput meum in die belli
Domine, Domine virtus salutis meae: obumbrasti super caput meum in die belli:
8 non tradas Domine desiderio meo peccatori cogitaverunt contra me ne derelinquas me ne forte exaltentur diapsalma
Ne tradas me Domine a desiderio meo peccatori: cogitaverunt contra me, ne derelinquas me, ne forte exaltentur.
9 caput circuitus eorum labor labiorum ipsorum operiet eos
Caput circuitus eorum: labor labiorum ipsorum operiet eos.
10 cadent super eos carbones in igne deicies eos in miseriis non subsistent
Cadent super eos carbones, in ignem deiicies eos: in miseriis non subsistent.
11 vir linguosus non dirigetur in terra virum iniustum mala capient in interitu
Vir linguosus non dirigetur in terra: virum iniustum mala capient in interitu.
12 cognovi quia faciet Dominus iudicium inopis et vindictam pauperum
Cognovi quia faciet Dominus iudicium inopis: et vindictam pauperum.
13 verumtamen iusti confitebuntur nomini tuo habitabunt recti cum vultu tuo
Verumtamen iusti confitebuntur nomini tuo: et habitabunt recti cum vultu tuo.
