Psalmorum 137

1 David Hieremiae super flumina Babylonis illic sedimus et flevimus cum recordaremur Sion

Psalmus David, propter Hieremiam. Super flumina Babylonis, illic sedimus et flevimus: cum recordaremur Sion:

2 in salicibus in medio eius suspendimus organa nostra

In salicibus in medio eius, suspendimus organa nostra.

3 quia illic interrogaverunt nos qui captivos duxerunt nos verba cantionum et qui abduxerunt nos hymnum cantate nobis de canticis Sion

Quia illic interrogaverunt nos, qui captivos duxerunt nos, verba cantionum: Et qui abduxerunt nos: Hymnum cantate nobis de canticis Sion.

4 quomodo cantabimus canticum Domini in terra aliena

Quomodo cantabimus canticum Domini in terra aliena?

5 si oblitus fuero tui Hierusalem oblivioni detur dextera mea

Si oblitus fuero tui Ierusalem, oblivioni detur dextera mea.

6 adhereat lingua mea faucibus meis si non meminero tui si non praeposuero Hierusalem in principio laetitiae meae

Adhaereat lingua mea faucibus meis, si non meminero tui: Si non proposuero Ierusalem, in principio laetitiae meae.

7 memor esto Domine filiorum Edom diem Hierusalem qui dicunt exinanite exinanite usque ad fundamentum in ea

Memor esto Domine filiorum Edom, in die Ierusalem: Qui dicunt: Exinanite, exinanite usque ad fundamentum in ea.

8 filia Babylonis misera beatus qui retribuet tibi retributionem tuam quam retribuisti nobis

Filia Babylonis misera: beatus, qui retribuet tibi retributionem tuam, quam retribuisti nobis.

9 beatus qui tenebit et adlidet parvulos tuos ad petram

Beatus, qui tenebit, et allidet parvulos suos ad petram.