Psalmorum 135
1 alleluia laudate nomen Domini laudate servi Dominum
Rumbidzai Jehovha. Rumbidzai zita raJehovha; murumbidzei, imi varanda vaJehovha,
2 qui statis in domo Domini in atriis domus Dei nostri
imi munoshumira muimba yaJehovha, muvanze dzeimba yaMwari wedu.
3 laudate Dominum quia bonus Dominus psallite nomini eius quoniam suave
Rumbidzai Jehovha, nokuti Jehovha akanaka; imbirai zita rake nziyo dzokurumbidza, nokuti ndizvo zvakanaka.
4 quoniam Iacob elegit sibi Dominus Israhel in possessionem sibi
Nokuti Jehovha akasarudza Jakobho kuti ave wake, naIsraeri kuti ave pfuma yake.
5 quia ego cognovi quod magnus est Dominus et Deus noster prae omnibus diis
Ndinoziva kuti Jehovha mukuru, uye kuti Ishe wedu mukuru kupfuura vamwari vose.
6 omnia quae voluit Dominus fecit in caelo et in terra in mare et in omnibus abyssis
Jehovha anoita zvose zvinomufadza, kudenga napasi, nomumakungwa napakadzika pose.
7 educens nubes ab extremo terrae fulgora in pluviam fecit qui producit ventos de thesauris suis
Anoita kuti makore akwire kubva kumagumo enyika; anotumira mheni nemvura, uye anobudisa mhepo kubva mumatura ake.
8 qui percussit primogenita Aegypti ab homine usque ad pecus
Ndiye akaparadza matangwe eIjipiti, matangwe avanhu neemhuka.
9 emisit signa et prodigia in medio tui Aegypte in Pharaonem et in omnes servos eius
Akatumira zviratidzo nezvishamiso zvake mukati mako, iwe Ijipiti, pamusoro paFaro navaranda vake vose.
10 qui percussit gentes multas et occidit reges fortes
Akaparadza ndudzi dzakawanda uye akauraya madzimambo ane simba,
11 Seon regem Amorreorum et Og regem Basan et omnia regna Chanaan
Sihoni mambo weAmori, Ogi mambo weBhashani namadzimambo ose eKenani,
12 et dedit terram eorum hereditatem hereditatem Israhel populo suo
akapa nyika yavo kuti ive nhaka, nhaka yavanhu vake Israeri.
13 Domine nomen tuum in aeternum Domine memoriale tuum in generationem et generationem
Haiwa Jehovha, zita renyu rinogara nokusingaperi, mukurumbira wenyu, imi Jehovha, kuzvizvarwa zvose.
14 quia iudicabit Dominus populum suum et in servis suis deprecabitur
Nokuti Jehovha achapupurira vanhu vake uye achava nenyasha pamusoro pavaranda vake.
15 simulacra gentium argentum et aurum opera manuum hominum
Zvifananidzo zvendudzi isirivha negoridhe, zvakaitwa namaoko avanhu.
16 os habent et non loquentur oculos habent et non videbunt
Zvine miromo, asi hazvigoni kutaura, zvina meso, asi hazvigoni kuona;
17 aures habent et non audient neque enim est spiritus in ore eorum
nenzeve, asi hazvigoni kunzwa, uye hamuna kufema mumuromo mazvo.
18 similes illis fiant qui faciunt ea et omnes qui sperant in eis
Vaya vanozviita vachafanana nazvo, saizvozvowo, naivo vanovimba nazvo.
19 domus Israhel benedicite Domino domus Aaron benedicite Domino
Haiwa imi imba yaIsraeri, rumbidzai Jehovha; haiwa imba yaAroni, rumbidzai Jehovha;
20 domus Levi benedicite Domino qui timetis Dominum benedicite Domino
Haiwa imi imba yaRevhi, rumbidzai Jehovha; imi vanomutya, rumbidzai Jehovha.
21 benedictus Dominus ex Sion qui habitat in Hierusalem
Jehovha ngaarumbidzwe kubva kuZioni, iye agere muJerusarema. Rumbidzai Jehovha.
