Psalmorum 129

1 canticum graduum saepe expugnaverunt me a iuventute mea dicat nunc Israhel

The song of greces. Israel seie now; Ofte thei fouyten ayens me fro my yongth.

2 saepe expugnaverunt me a iuventute mea etenim non potuerunt mihi

Ofte thei fouyten ayens me fro my yongthe; and sotheli thei miyten not to me.

3 supra dorsum meum fabricabantur peccatores prolongaverunt iniquitatem suam

Synneris forgeden on my bak; thei maden long her wickidnesse.

4 Dominus iustus concidet cervices peccatorum

The `iust Lord schal beete the nollis of synneris;

5 confundantur et convertantur retrorsum omnes qui oderunt Sion

alle that haten Sion be schent, and turned abak.

6 fiant sicut faenum tectorum quod priusquam evellatur exaruit

Be thei maad as the hey of hous coppis; that driede vp, bifore that it be drawun vp.

7 de quo non implevit manum suam qui metit et sinum suum qui manipulos colligit

Of which hei he that schal repe, schal not fille his hond; and he that schal gadere hondfullis, schal not fille his bosum.

8 et non dixerunt qui praeteribant benedictio Domini super vos benediximus vobis in nomine Domini

And thei that passiden forth seiden not, The blessing of the Lord be on you; we blessiden you in the name of the Lord.