Psalmorum 122

1 canticum graduum huic David laetatus sum in his quae dicta sunt mihi in domum Domini ibimus

Canticum graduum. Lætatus sum in his quæ dicta sunt mihi: In domum Domini ibimus.

2 stantes erant pedes nostri in atriis tuis Hierusalem

Stantes erant pedes nostri in atriis tuis, Jerusalem.

3 Hierusalem quae aedificatur ut civitas cuius participatio eius in id ipsum

Jerusalem, quæ ædificatur ut civitas, cujus participatio ejus in idipsum.

4 illic enim ascenderunt tribus tribus Domini testimonium Israhel ad confitendum nomini Domini

Illuc enim ascenderunt tribus, tribus Domini: testimonium Israël, ad confitendum nomini Domini.

5 quia illic sederunt sedes in iudicium sedes super domum David

Quia illic sederunt sedes in judicio, sedes super domum David.

6 rogate quae ad pacem sunt Hierusalem et abundantia diligentibus te

Rogate quæ ad pacem sunt Jerusalem, et abundantia diligentibus te.

7 fiat pax in virtute tua et abundantia in turribus tuis

Fiat pax in virtute tua, et abundantia in turribus tuis.

8 propter fratres meos et proximos meos loquebar pacem de te

Propter fratres meos et proximos meos, loquebar pacem de te.

9 propter domum Domini Dei nostri quaesivi bona tibi

Propter domum Domini Dei nostri, quæsivi bona tibi.