Psalmorum 114

1 alleluia in exitu Israhel de Aegypto domus Iacob de populo barbaro

Alleluia. In exitu Israel de Ægypto, domus Iacob de populo barbaro:

2 facta est Iudaea sanctificatio eius Israhel potestas eius

Facta est Iudæa sanctificatio eius, Israel potestas eius.

3 mare vidit et fugit Iordanis conversus est retrorsum

Mare vidit, et fugit: Iordanis conversus est retrorsum.

4 montes exultaverunt ut arietes colles sicut agni ovium

Montes exultaverunt ut arietes: et colles sicut agni ovium.

5 quid est tibi mare quod fugisti et tu Iordanis quia conversus es retrorsum

Quid est tibi mare quod fugisti: et tu Iordanis, quia conversus es retrorsum?

6 montes exultastis sicut arietes et colles sicut agni ovium

Montes exultastis sicut arietes, et colles sicut agni ovium?

7 a facie Domini mota est terra a facie Dei Iacob

A facie Domini mota est terra, a facie Dei Iacob.

8 qui convertit petram in stagna aquarum et rupem in fontes aquarum

Qui convertit petram in stagna aquarum, et rupem in fontes aquarum.