Psalmorum 114

1 alleluia in exitu Israhel de Aegypto domus Iacob de populo barbaro

Sa dihang mibiya ang Israel sa Ehipto, ang balay ni Jacob gikan niadtong langyaw nga katawhan,

2 facta est Iudaea sanctificatio eius Israhel potestas eius

nahimo niyang balaang dapit ang Juda, ang Israel iyang gingharian.

3 mare vidit et fugit Iordanis conversus est retrorsum

Ang dagat nakakita ug mikalagiw; mitalikod ang Jordan.

4 montes exultaverunt ut arietes colles sicut agni ovium

Ang kabukiran milukso sama sa mga laking karnero, ang kabungtoran milukso sama sa nating karnero.

5 quid est tibi mare quod fugisti et tu Iordanis quia conversus es retrorsum

Dagat, nganong mikalagiw ka man? Jordan, nganong mitalikod ka man?

6 montes exultastis sicut arietes et colles sicut agni ovium

Kabukiran, nganong milukso man kamo sama sa laking mga karnero? Kamong gagmay nga mga bungtod, nganong milukso man kamo sama sa mga nating karnero?

7 a facie Domini mota est terra a facie Dei Iacob

Pangurog, kalibotan, sa atubangan sa Ginoo, sa presensya sa Dios ni Jacob.

8 qui convertit petram in stagna aquarum et rupem in fontes aquarum

Gihimo niyang linaw ang dakong bato, ang gahi nga bato ngadto sa tuboran sa tubig.