Psalmorum 112

1 alleluia reversionis Aggei et Zacchariae beatus vir qui timet Dominum in mandatis eius volet nimis

Alleluya. Blissid is the man that dredith the Lord; he schal wilne ful myche in hise comaundementis.

2 potens in terra erit semen eius generatio rectorum benedicetur

His seed schal be myyti in erthe; the generacioun of riytful men schal be blessid.

3 gloria et divitiae in domo eius et iustitia eius manet in saeculum saeculi

Glorie and richessis ben in his hous; and his riytfulnesse dwellith in to the world of world.

4 exortum est in tenebris lumen rectis misericors et miserator et iustus

Liyt is risun vp in derknessis to riytful men; the Lord is merciful in wille, and a merciful doere, and riytful.

5 iucundus homo qui miseretur et commodat disponet sermones suos in iudicio

The man is merye, that doith merci, and leeneth; he disposith hise wordis in dom;

6 quia in aeternum non commovebitur

for he schal not be moued with outen ende.

7 in memoria aeterna erit iustus ab auditione mala non timebit paratum cor eius sperare in Domino

A iust man schal be in euerlastinge mynde; he schal not drede of an yuel heryng. His herte is redi for to hope in the Lord;

8 confirmatum est cor eius non commovebitur donec dispiciat inimicos suos

his herte is confermed, he schal not be moued, til he dispise hise enemyes.

9 dispersit dedit pauperibus iustitia eius manet in saeculum saeculi cornu eius exaltabitur in gloria

He spredde abrood, he yaf to pore men; his riytwisnesse dwellith in to the world of world; his horn schal be reisid in glorie.

10 peccator videbit et irascetur dentibus suis fremet et tabescet desiderium peccatorum peribit

A synner schal se, and schal be wrooth; he schal gnaste with hise teeth, and schal faile; the desijr of synneris schal perische.