Psalmorum 100

1 psalmus in confessione

Psalmus in confessione.

2 iubilate Domino omnis terra servite Domino in laetitia introite in conspectu eius in exultatione

[Jubilate Deo, omnis terra; servite Domino in lætitia. Introite in conspectu ejus in exsultatione.

3 scitote quoniam Dominus ipse est Deus ipse fecit nos et non ipsi nos populus eius et oves pascuae eius

Scitote quoniam Dominus ipse est Deus; ipse fecit nos, et non ipsi nos: populus ejus, et oves pascuæ ejus.

4 introite portas eius in confessione atria eius in hymnis confitemini illi laudate nomen eius

Introite portas ejus in confessione; atria ejus in hymnis: confitemini illi. Laudate nomen ejus,

5 quoniam suavis Dominus in aeternum misericordia eius et usque in generationem et generationem veritas eius

quoniam suavis est Dominus, in æternum misericordia ejus, et usque in generationem et generationem veritas ejus.]