Nehemiæ 10
1 signatores autem fuerunt Neemias Athersatha filius Achelai et Sedecias
Signatores autem fuerunt, Nehemias, Athersatha filius Hachelai, et Sedechias,
2 Saraias Azarias Hieremias
Saraias, Azarias, Ieremias,
3 Phessur Amaria Melchia
Pheshur, Amarias, Melchias,
4 Attus Sebenia Melluc
Hattus, Sebenia, Melluch,
5 Arem Mermuth Obdias
Harem, Merimuth, Obdias,
6 Danihel Genton Baruch
Daniel, Genthon, Baruch,
7 Mosollam Abia Miamin
Mosollam, Abia, Miamin,
8 Mazia Belga Semaia hii sacerdotes
Maazia, Belgai, Semeia: hi sacerdotes.
9 porro Levitae Iosue filius Azaniae Bennui de filiis Enadad Cedmihel
Porro Levitae, Iosue filius Azaniae, Bennui de filiis Henadad, Cedmihel,
10 et fratres eorum Sechenia Odevia Celita Phalaia Anan
et fratres eorum, Sebenia, Odaia, Celita, Phalaia, Hanan,
11 Micha Roob Asebia
Micha, Rohob, Hasebia,
12 Zacchur Serebia Sabania
Zachur, Serebia, Sabania,
13 Odia Bani Baninu
Odaia, Bani, Baninu.
14 capita populi Pheros Phaethmoab Helam Zethu Bani
Capita populi, Pharos, Phahathmoab, Aelam, Zethu, Bani,
15 Bonni Azgad Bebai
Bonni, Azgad, Bebai,
16 Adonia Beggoai Adin
Adonia, Begoai, Adin,
17 Ater Ezechia Azur
Ater, Hezecia, Azur,
18 Odevia Asum Besai
Odaia, Hasum, Besai,
19 Ares Anathoth Nebai
Hareph, Anathoth, Nebai,
20 Mecphia Mosollam Azir
Megphias, Mosollam, Hazir,
21 Mesizabel Sadoc Ieddua
Mesizabel, Sadoc, Ieddua,
22 Felthia Anan Ania
Pheltia, Hanan, Anaia,
23 Osee Anania Asub
Osee, Hanania, Hasub,
24 Aloes Phaleam Sobec
Alohes, Phalea, Sobec,
25 Reum Asebna Madsia
Rehum, Hasebna, Maasia,
26 et Haia Hanam Anan
Echaia, Hanan, Anan,
27 Melluc Arem Baana
Melluch, Haran, Baana:
28 et reliqui de populo sacerdotes Levitae ianitores et cantores Nathinnei et omnes qui se separaverunt de populis terrarum ad legem Dei uxores eorum filii eorum et filiae eorum
et reliqui de populo, Sacerdotes, Levitae, ianitores, et cantores, Nathinaei, et omnes qui se separaverunt de populis terrarum ad legem Dei, uxores eorum, filii eorum, et filiae eorum,
29 omnis qui poterat sapere spondentes pro fratribus suis optimates eorum et qui veniebant ad pollicendum et iurandum ut ambularent in lege Dei quam dederat in manu Mosi servi Dei ut facerent et custodirent universa mandata Domini Dei nostri et iudicia eius et caerimonias eius
omnes qui poterant sapere spondentes pro fratribus suis, optimates eorum, et qui veniebant ad pollicendum, et iurandum ut ambularent in lege Dei, quam dederat in manu Moysi servi Dei, ut facerent et custodirent universa mandata Domini Dei nostri, et iudicia eius et ceremonias eius,
30 et ut non daremus filias nostras populo terrae et filias eorum non acciperemus filiis nostris
et ut non daremus filias nostras populo terrae, et filias eorum non acciperemus filiis nostris.
31 populi quoque terrae qui inportant venalia et omnia ad usum per diem sabbati ut vendant non accipiemus ab eis in sabbato et in die sanctificata et dimittemus annum septimum et exactionem universae manus
Populi quoque terrae, qui important venalia, et omnia ad usum, per diem sabbati ut vendant, non accipiemus ab eis in sabbato et in die sanctificato. Et dimittemus annum septimum, et exactionem universae manus.
32 et statuemus super nos praecepta ut demus tertiam partem sicli per annum ad opus domus Dei nostri
Et statuemus super nos praecepta, ut demus tertiam partem sicli per annum ad opus domus Dei nostri,
33 ad panes propositionis et ad sacrificium sempiternum et in holocaustum sempiternum in sabbatis in kalendis in sollemnitatibus et in sanctificatis et pro peccato ut exoretur pro Israhel et in omnem usum domus Dei nostri
ad panes propositionis, et ad sacrificium sempiternum, et in holocaustum sempiternum in sabbatis, in calendis, in sollemnitatibus, et in sanctificatis, et pro peccato: ut exoretur pro Israel, et in omnem usum domus Dei nostri.
34 sortes ergo misimus super oblatione lignorum inter sacerdotes et Levitas et populos ut inferrentur in domum Dei nostri per domos patrum nostrorum per tempora a temporibus anni usque ad annum ut arderent super altare Domini Dei nostri sicut scriptum est in lege Mosi
Sortes ergo misimus super oblationem lignorum inter Sacerdotes, et Levitas, et populum, ut inferrentur in domum Dei nostri per domos patrum nostrorum, per tempora, a temporibus anni usque ad annum: ut arderent super altare Domini Dei nostri, sicut scriptum est in lege Moysi:
35 et ut adferremus primogenita terrae nostrae et primitiva universi fructus omnis ligni ab anno in annum in domo Domini
et ut afferremus primogenita terrae nostrae, et primitiva universi fructus omnis ligni, ab anno in annum, in domo Domini.
36 et primitiva filiorum nostrorum et pecorum nostrorum sicut scriptum est in lege et primitiva boum nostrorum et ovium nostrarum ut offerrentur in domo Dei nostri sacerdotibus qui ministrant in domo Dei nostri
et primitiva filiorum nostrorum, et pecorum nostrorum, sicut scriptum est in lege, et primitiva boum nostrorum, et ovium nostrarum, ut offerrentur in domo Dei nostri, Sacerdotibus qui ministrant in domo Dei nostri:
37 et primitias ciborum nostrorum et libaminum nostrorum et poma omnis ligni vindemiae quoque et olei adferemus sacerdotibus ad gazofilacium Dei nostri et decimam partem terrae nostrae Levitis ipsi Levitae decimas accipient ex omnibus civitatibus operum nostrorum
et primitias ciborum nostrorum, et libaminum nostrorum, et poma omnis ligni, vindemiae quoque et olei afferemus Sacerdotibus ad gazophylacium Dei nostri, et decimam partem terrae nostrae Levitis. Ipsi Levitae decimas accipient ex omnibus civitatibus operum nostrorum.
38 erit autem sacerdos filius Aaron cum Levitis in decimis Levitarum et Levitae offerent decimam partem decimae suae in domum Dei nostri ad gazofilacium in domo thesauri
Erit autem Sacerdos filius Aaron cum Levitis in decimis Levitarum, et Levitae offerent decimam partem decimae suae in domo Dei nostri, ad gazophylacium in domum thesauri.
39 ad gazofilacium enim deportabunt filii Israhel et filii Levi primitias frumenti vini et olei et ibi erunt vasa sanctificata et sacerdotes et cantores et ianitores et ministri et non dimittemus domum Dei nostri
Ad gazophylacium enim deportabunt filii Israel, et filii Levi primitias frumenti, vini, et olei: et ibi erunt vasa sanctificata, et Sacerdotes, et cantores, et ianitores, et ministri, et non dimittemus domum Dei nostri.
