Iosue 19
1 et egressa est sors secunda filiorum Symeon per cognationes suas fuitque hereditas
Et egressa est sors secunda filiorum Simeon per cognationes suas: fuitque hereditas
2 eorum in medio possessionis filiorum Iuda Bersabee et Sabee et Molada
eorum in medio possessionis filiorum Iuda: Bersabee et Sabee et Molada
3 et Asersual Bala et Asem
et Hasersual, Bala et Asem
4 et Heltholath Bethul Arma
et Eltholad, Bethul et Harma
5 et Seceleg et Bethmarchaboth Asersusa
et Siceleg et Bethmarchaboth et Hasersusa
6 et Bethlebaoth et Saroen civitates tredecim et villae earum
et Bethlebaoth et Sarohen: civitates tredecim, et villae earum.
7 Ahin et Remmon et Athar et Asan civitates quattuor et villae earum
Ain et Remmon et Athar et Asan: civitates quattuor, et villae earum:
8 omnes viculi per circuitum urbium istarum usque ad Balaath Berrameth contra australem plagam haec est hereditas filiorum Symeon iuxta cognationes suas
omnes viculi per circuitum urbium istarum usque ad Baalath Beer Ramath contra australem plagam. Haec est hereditas filiorum Simeon iuxta cognationes suas,
9 in funiculo et possessione filiorum Iuda quia maior erat et idcirco possederunt filii Symeon in medio hereditatis eorum
in possessione et funiculo filiorum Iuda: quia maior erat. et idcirco filii Simeon possederunt in medio hereditatis eorum.
10 cecidit quoque sors tertia filiorum Zabulon per cognationes suas et factus est terminus possessionis eorum usque Sarith
Ceciditque sors tertia filiorum Zabulon per cognationes suas: factus est terminus possessionis eorum usque Sarid.
11 ascenditque de mari et Medala ac pervenit in Debbaseth usque ad torrentem qui est contra Iecennam
Ascenditque de Mari et Medalaa, et pervenit in Debbaseth, usque ad torrentem qui est contra Ieconam.
12 et revertitur de Sarith contra orientem in fines Ceseleththabor et egreditur ad Dabereth ascenditque contra Iafie
Et revertitur de Sared contra Orientem in fines Ceseleththabor: et egreditur ad Dabereth, ascenditque contra Iaphie.
13 et inde pertransit ad orientalem plagam Getthefer Etthacasin et egreditur in Remmon Ampthar et Noa
Et inde pertransit usque ad orientalem plagam Gethhepher et Thacasin: et egreditur in Remmon, Amthar et Noa.
14 et circuit ad aquilonem et Nathon suntque egressus eius vallis Iepthahel
Et circuit ad Aquilonem Hanathon: suntque egressus eius Vallis Iephthael,
15 et Catheth et Nehalal et Semron et Iedala et Bethleem civitates duodecim et villae earum
et Cateth et Naalol et Semeron et Iedala et Bethlehem: civitates duodecim, et villae earum.
16 haec est hereditas tribus filiorum Zabulon per cognationes suas urbes et viculi earum
Haec est hereditas tribus filiorum Zabulon per cognationes suas, urbes et viculi earum.
17 Isachar egressa est sors quarta per cognationes suas
Issachar egressa est sors quarta per cognationes suas.
18 fuitque eius hereditas Hiezrahel et Chasaloth et Sunem
fuitque eius hereditas Iezrael et Casaloth et Sunem
19 et Afaraim Seon et Anaarath
et Hapharaim et Seon, et Anaharath
20 et Rabbith et Cesion Abes
et Rabboth et Cesion, Abes,
21 et Rameth et Engannim et Enadda et Bethfeses
et Rameth, et Engannim, et Enhadda et Bethpheses.
22 et pervenit terminus usque Thabor et Seesima et Bethsemes eruntque exitus eius Iordanes civitates sedecim et villae earum
Et pervenit terminus eius usque Thabor et Sehesima et Bethsames: eruntque exitus eius Iordanis: civitates sedecim, et villae earum.
23 haec est possessio filiorum Isachar per cognationes suas urbes et viculi earum
Haec est possessio filiorum Issachar per cognationes suas, urbes, et viculi earum.
24 cecidit sors quinta tribui filiorum Aser per cognationes suas
Ceciditque sors quinta tribui filiorum Aser per cognationes suas:
25 fuitque terminus eorum Alchath et Oali et Beten et Axab
fuitque terminus eorum Halcath et Chali et Beten et Axaph
26 Elmelech et Amaad et Messal et pervenit usque ad Carmelum maris et Siorlabanath
et Elmelech et Amaad et Messal: et pervenit usque ad Carmelum maris et Sihor et Labanath.
27 ac revertitur contra orientem Bethdagon et pertransit usque Zabulon et vallem Iepthahel contra aquilonem in Bethemech et Neihel egrediturque ad levam Chabul
Ac revertitur contra orientem Bethdagon: et pertransit usque Zabulon et Vallem Iephthael contra Aquilonem in Bethemec et Nehiel. Egrediturque ad laevam Cabul,
28 et Achran et Roob et Amon et Canae usque ad Sidonem magnam
et Abran et Rohob et Hamon et Cana, usque ad Sidonem magnam.
29 revertiturque in Orma usque ad civitatem munitissimam Tyrum et usque Osa eruntque exitus eius in mare de funiculo Acziba
revertiturque in Horma usque ad civitatem munitissimam Tyrum, et usque Hosa: eruntque exitus eius in mare de funiculo Achziba:
30 et Amma et Afec et Roob civitates viginti duae et villae earum
et Amma et Aphec et Rohob. civitates viginti duae, et villae earum.
31 haec est possessio filiorum Aser per cognationes suas urbes et viculi earum
Haec est possessio filiorum Aser per cognationes suas, urbesque et viculi earum.
32 filiorum Nepthalim sexta pars cecidit per familias suas
Filiorum Nephthali sexta sors cecidit per familias suas:
33 et coepit terminus de Heleb et Helon in Sananim et Adami quae est Neceb et Iebnahel usque Lecum et egressus eorum usque ad Iordanem
et coepit terminus de Heleph et Elon in Saananim, et Adami, quae est Neceb, et Iebnael usque Lecum: et egressus eorum usque ad Iordanem:
34 revertiturque terminus contra occidentem in Aznoththabor atque inde egreditur in Ucoca et pertransit in Zabulon contra meridiem et in Aser contra occidentem et in Iuda ad Iordanem contra ortum solis
revertiturque terminus contra Occidentem in Azanotthabor, atque inde egreditur in Hucuca, et pertransit in Zabulon contra Meridiem, et in Aser contra Occidentem, et in Iuda ad Iordanem contra ortum solis.
35 civitates munitissimae Aseddim Ser et Ammath et Recchath Chenereth
civitates munitissimae, Assedim, Ser, et Emath, et Reccath et Cenereth,
36 et Edema et Arama Asor
et Edema et Arama, Asor
37 et Cedes et Edrai Nasor
et Cedes et Edrai, Enhasor
38 et Ieron et Magdalel Horem et Bethanath et Bethsemes civitates decem et novem et villae earum
et Ieron et Magdalel, Horem et Bethanath et Bethsames: civitates decem et novem, et villae earum.
39 haec est possessio tribus filiorum Nepthali per cognationes suas urbes et viculi earum
Haec est possessio tribus filiorum Nephthali per cognationes suas, urbes et viculi earum.
40 tribui filiorum Dan per familias suas egressa est sors septima
Tribui filiorum Dan per familias suas egressa est sors septima:
41 et fuit terminus possessionis eius Saraa et Esthaol et Ahirsemes id est civitas Solis
et fuit terminus possessionis eius Sara et Esthaol, et Hirsemes, id est civitas solis.
42 Selebin et Ahialon et Iethela
Selebin et Aialon et Iethela,
43 Helon et Themna et Acron
Elon et Themna et Acron,
44 Helthecen et Gebthon et Baalath
Elthece, Gebbethon et Balaath,
45 Iud et Benebarach et Gethremmon
et Iud et Bane et Barach et Gethremmon:
46 aquae Hiercon et Areccon cum termino qui respicit Ioppen
et Meiarcon et Arecon, cum termino qui respicit Ioppen,
47 et ipso fine concluditur ascenderuntque filii Dan et pugnaverunt contra Lesem ceperuntque eam et percusserunt in ore gladii ac possederunt et habitaverunt in ea vocantes nomen eius Lesemdan ex nomine Dan patris sui
et ipso fine concluditur. Ascenderuntque filii Dan, et pugnaverunt contra Lesem, ceperuntque eam: et percusserunt eam in ore gladii, et possederunt, et habitaverunt in ea, vocantes nomen eius Lesem Dan, ex nomine Dan patris sui.
48 haec est possessio tribus filiorum Dan per cognationes suas urbes et viculi earum
Haec est possessio tribus filiorum Dan, per cognationes suas, urbes et viculi earum.
49 cumque conplesset terram sorte dividere singulis per tribus suas dederunt filii Israhel possessionem Iosue filio Nun in medio sui
Cumque complesset sorte dividere Terram singulis per tribus suas, dederunt filii Israel possessionem Iosue filio Nun in medio sui,
50 iuxta praeceptum Domini urbem quam postulavit Thamnathseraa in monte Ephraim et aedificavit civitatem habitavitque in ea
iuxta praeceptum Domini, urbem quam postulavit, Thamnath Saraa in monte Ephraim: et aedificavit civitatem, habitavitque in ea.
51 hae sunt possessiones quas sorte diviserunt Eleazar sacerdos et Iosue filius Nun et principes familiarum ac tribuum filiorum Israhel in Silo coram Domino ad ostium tabernaculi testimonii partitique sunt terram
Hae sunt possessiones, quas sorte diviserunt Eleazar sacerdos, et Iosue filius Nun, et principes familiarum, ac tribuum filiorum Israel in Silo, coram Domino ad ostium tabernaculi testimonii, partitique sunt Terram.
