Jonas Propheta 2
1 et oravit Iona ad Dominum Deum suum de utero piscis
Et oravit Ionas ad Dominum Deum suum de ventre piscis.
2 et dixit clamavi de tribulatione mea ad Dominum et exaudivit me de ventre inferni clamavi et exaudisti vocem meam (Sheol h7585)
Et dixit: Clamavi de tribulatione mea ad Dominum, et exaudivit me: de ventre inferi clamavi, et exaudisti vocem meam. (Sheol h7585)
3 et proiecisti me in profundum in corde maris et flumen circumdedit me omnes gurgites tui et fluctus tui super me transierunt
Et proiecisti me in profundum in corde maris, et flumen circumdedit me: omnes gurgites tui, et fluctus tui super me transierunt.
4 et ego dixi abiectus sum a conspectu oculorum tuorum verumtamen rursus videbo templum sanctum tuum
Et ego dixi: Abiectus sum a conspectu oculorum tuorum: verumtamen rursus videbo templum sanctum tuum.
5 circumdederunt me aquae usque ad animam abyssus vallavit me pelagus operuit caput meum
Circumdederunt me aquae usque ad animam: abyssus vallavit me, pelagus operuit caput meum.
6 ad extrema montium descendi terrae vectes concluserunt me in aeternum et sublevabis de corruptione vitam meam Domine Deus meus
Ad extrema montium descendi: terrae vectes concluserunt me in aeternum: et sublevabis de corruptione vitam meam, Domine Deus meus.
7 cum angustiaretur in me anima mea Domini recordatus sum ut veniat ad te oratio mea ad templum sanctum tuum
Cum angustiaretur in me anima mea, Domini recordatus sum: ut veniat ad te oratio mea ad templum sanctum tuum.
8 qui custodiunt vanitates frustra misericordiam suam derelinquunt
Qui custodiunt vanitates frustra, misericordiam suam derelinquunt.
9 ego autem in voce laudis immolabo tibi quaecumque vovi reddam pro salute Domino
Ego autem in voce laudis immolabo tibi: quaecumque vovi, reddam pro salute Domino.
10 et dixit Dominus pisci et evomuit Ionam in aridam
Et dixit Dominus pisci: et evomuit Ionam in aridam.
