Job 26
1 respondens autem Iob dixit
Respondens autem Iob, dixit:
2 cuius adiutor es numquid inbecilli et sustentas brachium eius qui non est fortis
Cuius adiutor es? numquid imbecillis? et sustentas brachium eius, qui non est fortis?
3 cui dedisti consilium forsitan illi qui non habet sapientiam et prudentiam tuam ostendisti plurimam
Cui dedisti consilium? forsitan illi qui non habet sapientiam, et prudentiam tuam ostendisti plurimam.
4 quem docere voluisti nonne eum qui fecit spiramen tuum
Quem docere voluisti? nonne eum, qui fecit spiramentum?
5 ecce gigantes gemunt sub aquis et qui habitant cum eis
Ecce gigantes gemunt sub aquis, et qui habitant cum eis.
Nudus est infernus coram illo, et nullum est operimentum perditioni. (Sheol h7585)
7 qui extendit aquilonem super vacuum et adpendit terram super nihili
Qui extendit Aquilonem super vacuum, et appendit terram super nihilum.
8 qui ligat aquas in nubibus suis ut non erumpant pariter deorsum
Qui ligat aquas in nubibus suis, ut non erumpant pariter deorsum.
9 qui tenet vultum solii sui et expandit super illud nebulam suam
Qui tenet vultum solii sui, et expandit super illud nebulam suam.
10 terminum circumdedit aquis usque dum finiantur lux et tenebrae
Terminum circumdedit aquis, usque dum finiantur lux et tenebrae.
11 columnae caeli contremescunt et pavent ad nutum eius
Columnae caeli contremiscunt, et pavent ad nutum eius.
12 in fortitudine illius repente maria congregata sunt et prudentia eius percussit superbum
In fortitudine illius repente maria congregata sunt, et prudentia eius percussit superbum.
13 spiritus eius ornavit caelos et obsetricante manu eius eductus est coluber tortuosus
Spiritus eius ornavit caelos: et obstetricante manu eius, eductus est coluber tortuosus.
14 ecce haec ex parte dicta sunt viarum eius et cum vix parvam stillam sermonis eius audierimus quis poterit tonitruum magnitudinis illius intueri
Ecce, haec ex parte dicta sunt viarum eius: et cum vix parvam stillam sermonis eius audierimus, quis poterit tonitruum magnitudinis illius intueri?
