Job 25

1 respondens autem Baldad Suites dixit

Respondens autem Baldad Suhites, dixit:

2 potestas et terror apud eum est qui facit concordiam in sublimibus suis

Potestas et terror apud eum est, qui facit concordiam in sublimibus suis.

3 numquid est numerus militum eius et super quem non surget lumen illius

Numquid est numerus militum ejus? et super quem non surget lumen illius?

4 numquid iustificari potest homo conparatus Deo aut apparere mundus natus de muliere

Numquid justificari potest homo comparatus Deo? aut apparere mundus natus de muliere?

5 ecce etiam luna non splendet et stellae non sunt mundae in conspectu eius

Ecce luna etiam non splendet, et stellæ non sunt mundæ in conspectu ejus:

6 quanto magis homo putredo et filius hominis vermis

quanto magis homo putredo, et filius hominis vermis?