I Paralipomenon 24
1 porro filiis Aaron hae partitiones erunt filii Aaron Nadab et Abiu et Eleazar et Ithamar
Porro filiis Aaron hae partitiones erant: Filii Aaron: Nadab, et Abiu, et Eleazar, et Ithamar.
2 mortui sunt autem Nadab et Abiu ante patrem suum absque liberis sacerdotioque functus est Eleazar et Ithamar
Mortui sunt autem Nadab, et Abiu ante patrem suum absque liberis: sacerdotioque functus est Eleazar, et Ithamar.
3 et divisit eos David id est Sadoc de filiis Eleazar et Ahimelech de filiis Ithamar secundum vices suas et ministerium
Et divisit eos David, id est Sadoc de filiis Eleazari, et Ahimelech de filiis Ithamar, secundum vices suas et ministerium.
4 inventique sunt multo plures filii Eleazar in principibus viris quam filii Ithamar divisit autem eis hoc est filiis Eleazar principes per familias sedecim et filiis Ithamar per familias et domos suas octo
Inventique sunt multo plures filii Eleazar in principibus viris, quam filii Ithamar. Divisit autem eis, hoc est filiis Eleazar principes per familias sedecim: et filiis Ithamar per familias et domos suas octo.
5 porro divisit utrasque inter se familias sortibus erant enim principes sanctuarii et principes Dei tam de filiis Eleazar quam de filiis Ithamar
Porro divisit utrasque inter se familias sortibus: erant enim principes sanctuarii, et principes Dei, tam de filiis Eleazar, quam de filiis Ithamar.
6 descripsitque eos Semeias filius Nathanahel scriba Levites coram rege et principibus et Sadoc sacerdote et Ahimelech filio Abiathar principibus quoque familiarum sacerdotalium et leviticarum unam domum quae ceteris praeerat Eleazar et alteram domum quae sub se habebat ceteros Ithamar
Descripsitque eos Semeias filius Nathanael scriba Levites, coram rege et principibus, et Sadoc sacerdote, et Ahimelech filio Abiathar, principibus quoque familiarum sacerdotalium et Leviticarum: unam domum, quae ceteris praeerat, Eleazar: et alteram domum, quae sub se habebat ceteros, Ithamar.
7 exivit autem sors prima Ioiarib secunda Iedeiae
Exivit autem sors prima Ioiarib, secunda Iedei,
8 tertia Arim quarta Seorim
tertia Harim, quarta Seorim,
9 quinta Melchia sexta Maiman
quinta Melchia, sexta Maiman,
10 septima Accos octava Abia
septima Accos, octava Abia,
11 nona Hiesu decima Sechenia
nona Iesua, decima Sechenia,
12 undecima Eliasib duodecima Iacim
undecima Eliasib, duodecima Iacim,
13 tertiadecima Oppa quartadecima Isbaal
tertiadecima Hoppha, decimaquarta Isbaab,
14 quintadecima Belga sextadecima Emmer
decimaquinta Belga, decimasexta Emmer,
15 septimadecima Ezir octavadecima Hapses
decimaseptima Hezir, decimaoctava Aphses,
16 nonadecima Phetheia vicesima Iezecel
decimanona Pheteia, vigesima Hezechiel,
17 vicesima prima Iachin vicesima secunda Gamul
vigesimaprima Iachin, vigesimasecunda Gamul,
18 vicesima tertia Dalaiau vicesima quarta Mazziau
vigesimatertia Dalaiau, vigesimaquarta Maaziau.
19 hae vices eorum secundum ministeria sua ut ingrediantur domum Domini et iuxta ritum suum sub manu Aaron patris eorum sicut praecepit Dominus Deus Israhel
Hae vices eorum secundum ministeria sua, ut ingrediantur domum Domini, et iuxta ritum suum sub manu Aaron patris eorum: sicut praeceperat Dominus Deus Israel.
20 porro filiorum Levi qui reliqui fuerant de filiis Amram erat Subahel et filiis Subahel Iedeia
Porro filiorum Levi, qui reliqui fuerant, de filiis Amram erat Subael, et de filiis Subael, Iehedeia.
21 de filiis quoque Roobiae princeps Iesias
De filiis quoque Rohobiae princeps Iesias.
22 Isaaris vero Salemoth filiusque Salemoth Iaath
Isaari vero filius Salemoth, filiusque Salemoth Iahath:
23 filiusque eius Ieriahu Amarias secundus Iazihel tertius Iecmaam quartus
filiusque eius Ieriau primus, Amarias secundus, Iahaziel tertius, Iecmaan quartus.
24 filius Ozihel Micha filius Micha Samir
Filius Oziel, Micha: filius Micha, Samir.
25 frater Micha Iesia filiusque Iesiae Zaccharias
Frater Micha, Iesia: filiusque Iesiae, Zacharias.
26 filii Merari Mooli et Musi filius Ioziau Benno
Filii Merari: Moholi et Musi. Filius Oziau: Benno.
27 filius quoque Merari Oziau et Soem et Zacchur et Hebri
Filius quoque Merari: Oziau et Soam et Zachur et Hebri.
28 porro Mooli filius Eleazar qui non habebat liberos
Porro Moholi filius: Eleazar, qui non habebat liberos.
29 filius vero Cis Ierahemel
Filius vero Cis, Ierameel.
30 filii Musi Mooli Eder et Ierimoth isti filii Levi secundum domos familiarum suarum
Filii Musi: Moholi, Eder, et Ierimoth. isti filii Levi secundum domos familiarum suarum.
31 miseruntque et ipsi sortes contra fratres suos filios Aaron coram David rege et Sadoc et Ahimelech et principibus familiarum sacerdotalium et leviticarum tam maiores quam minores omnes sors aequaliter dividebat
Miseruntque et ipsi sortes contra fratres suos filios Aaron coram David rege, et Sadoc, et Ahimelech, et principibus familiarum Sacerdotalium et Leviticarum, tam maiores, quam minores. omnes sors aequaliter dividebat.
