I Paralipomenon 16
1 adtulerunt igitur arcam Dei et constituerunt eam in medio tabernaculi quod tetenderat ei David et obtulerunt holocausta et pacifica coram Deo
Therfor thei brouyten the arke of God, and settiden it in the myddis of the tabernacle, that Dauid hadde araied therto; and thei offriden brent sacrifices and pesible sacrifices bifor the Lord.
2 cumque conplesset David offerens holocausta et pacifica benedixit populo in nomine Domini
And whanne Dauid offrynge brent sacrifices and pesible sacrifices hadde fillid, he blesside the puple in the name of the Lord;
3 et divisit universis per singulos a viro usque ad mulierem tortam panis et partem assae carnis bubulae et frixam oleo similam
and departide to alle to ech bi hym silf fro a man til to a womman o cake of breed, and a part of rostid fleisch of a bugle, and flour fried in oile.
4 constituitque coram arca Domini de Levitis qui ministrarent et recordarentur operum eius et glorificarent atque laudarent Dominum Deum Israhel
And he ordeynede bifor the arke of the Lord, of the Leuytis, that schulden mynystre, and haue mynde of the werkis of the Lord, and glorifie and preyse the Lord God of Israel;
5 Asaph principem et secundum eius Zacchariam porro Iahihel et Semiramoth et Ieihel et Matthathiam et Eliab et Banaiam et Obededom et Ieihel super organa psalterii et lyras Asaph autem ut cymbalis personaret
`he ordeynede Asaph the prince, and Zacharie his secounde; forsothe `he ordeynede Jahiel, and Semiramoth, and Jahel, and Mathathie, and Eliab, and Banaye, and Obededom, and Jehiel, on the orguns, on the sautrie, and on the harpis; but he ordeynede Asaph to sowne with cymbalis;
6 Banaiam vero et Azihel sacerdotes canere tuba iugiter coram arca foederis Domini
sotheli he ordeynede Banaye and Aziel, preestis, bifor the arke of the boond of pees of the Lord, for to trumpe contynueli.
7 in illo die fecit David principem ad confitendum Domino Asaph et fratres eius
In that dai Dauid made Asaph prince, and hise britheren, for to knowleche `to the Lord.
8 confitemini Domino invocate nomen eius notas facite in populis adinventiones illius
Knowleche ye to the Lord, and inwardli clepe ye his name; make ye hise fyndyngis knowun among puplis.
9 canite ei et psallite et narrate omnia mirabilia eius
Synge ye to hym, and seie ye salm to hym, and telle ye alle his merueylis.
10 laudate nomen sanctum eius laetetur cor quaerentium Dominum
Preise ye his hooli name; the herte of men sekynge the Lord be glad.
11 quaerite Dominum et virtutem eius quaerite faciem eius semper
Seke ye the Lord and his vertu; seke ye euere his face.
12 recordamini mirabilium eius quae fecit signorum illius et iudiciorum oris eius
Haue ye mynde of hise merueilis whiche he dide; of hise signes, and of the domes of his mouth.
13 semen Israhel servi eius filii Iacob electi illius
The seed of Israel, his seruaunt, preise thou God; the sones of Jacob, his chosun, preise ye God.
14 ipse Dominus Deus noster in universa terra iudicia eius
He is `oure Lord God; hise domes ben in ech lond.
15 recordamini in sempiternum pacti eius sermonis quem praecepit in mille generationes
Haue ye mynde with outen ende of his couenaunt; of the word whiche he couenauntide `in to a thousynde generaciouns.
16 quem pepigit cum Abraham et iuramenti illius cum Isaac
Which word he couenauntide with Abraham; and of his ooth to Ysaac.
17 et constituit illud Iacob in praeceptum et Israhel in pactum sempiternum
And he ordeynede that to Jacob in to a comaundement; and to Israel in to euerlastynge couenaunt.
18 dicens tibi dabo terram Chanaan funiculum hereditatis vestrae
And seide, To thee Y schal yyue the lond of Canaan; the part of youre erytage.
19 cum essent pauci numero parvi et coloni eius
Whanne thei weren fewe in noumbre; litle, and pilgrims therof.
20 et transierunt de gente in gentem et de regno ad populum alterum
And thei passiden fro folk in to the folk; and fro a rewme to another puple.
21 non dimisit quemquam calumniari eos sed increpuit pro eis reges
He suffride not ony man falseli chalenge hem; but he blamyde kyngis for hem.
22 nolite tangere christos meos et in prophetis meis nolite malignari
Nyle ye touche my cristis; and nyle ye do wickidli ayens my prophetis.
23 canite Domino omnis terra adnuntiate ex die in diem salutare eius
Al erthe, singe ye to the Lord; telle ye fro dai into dai his helthe.
24 narrate in gentibus gloriam eius in cunctis populis mirabilia illius
Telle ye among hethen men his glorie; hise merueylis among alle puplis.
25 quia magnus Dominus et laudabilis nimis et horribilis super omnes deos
For the Lord is greet, and worthi to be preisid ful myche; and he is orible, `ethir griseful, ouer alle goddis.
26 omnes enim dii populorum idola Dominus autem caelos fecit
For alle the goddis of puplis ben idols; but the Lord made heuenes.
27 confessio et magnificentia coram eo fortitudo et gaudium in loco eius
Knoulechyng and greet doyng ben bifor hym; strengthe and ioy ben in the place of hym.
28 adferte Domino familiae populorum adferte Domino gloriam et imperium
Ye meynees of puplis, `bringe ye to the Lord; brynge ye to the Lord glorie and empire.
29 date Domino gloriam nomini eius levate sacrificium et venite in conspectu eius et adorate Dominum in decore sancto
Yyue ye glorie to his name, reise ye sacrifice, and come ye in his siyt; and worschipe ye the Lord in hooli fairnesse.
30 commoveatur a facie illius omnis terra ipse enim fundavit orbem inmobilem
Al erthe be mouyd fro his face; for he foundide the world vnmouable.
31 laetentur caeli et exultet terra et dicant in nationibus Dominus regnavit
Heuenes be glad, and the erthe `ioy fulli; and seie thei among naciouns, The Lord schal regne.
32 tonet mare et plenitudo eius exultent agri et omnia quae in eis sunt
The see thundre, and his fulnesse; the feeldis fulli ioye, and alle thingis that ben in tho.
33 tunc laudabunt ligna saltus coram Domino quia venit iudicare terram
Thanne the trees of the forest schulen preyse bifor the Lord; for he cometh to deme the erthe.
34 confitemini Domino quoniam bonus quoniam in aeternum misericordia eius
Knouleche ye to the Lord, for he is good; for his mersi is withouten ende.
35 et dicite salva nos Deus salvator noster et congrega nos et erue de gentibus ut confiteamur nomini sancto tuo et exultemus in carminibus tuis
And seie ye, Thou God oure sauyour, saue vs, and gadere vs, and delyuere vs fro hethen men; that we knowleche to thin hooli name, and be fulli glade in thi songis.
36 benedictus Dominus Deus Israhel ab aeterno usque in aeternum et dicat omnis populus amen et hymnus Domino
Blessid be the Lord God of Israel fro with oute bigynnyng and til `in to with outen ende; and al the puple seie, Amen, and seie heriyng to God.
37 dereliquit itaque ibi coram arca foederis Domini Asaph et fratres eius ut ministrarent in conspectu arcae iugiter per singulos dies et vices suas
Therfor Dauid lefte there, bifor the arke of boond of pees of the Lord, Asaph and hise britheren, for to mynystre in the siyt of the arke contynueli bi alle daies and her whilis.
38 porro Obededom et fratres eius sexaginta octo et Obededom filium Idithun et Osa constituit ianitores
Forsothe he ordeynede porteris, Obededom and hise britheren, eiyte and sixti, and Obededom, the sone of Idithum, and Oza.
39 Sadoc autem sacerdotem et fratres illius sacerdotes coram tabernaculo Domini in excelso quod erat in Gabaon
Sotheli `he ordeynede Sadoch preest, and hise britheren, preestis bifor the tabernacle of the Lord, in the hiy place that was in Gabaon,
40 ut offerrent holocausta Domino super altare holocaustomatis iugiter mane et vespere iuxta omnia quae scripta sunt in lege Domini quam praecepit Israheli
for to offre brent sacrifices to the Lord on the auter of brent sacrifice contynueli, in the morwetid and euentid, bi alle thingis that ben writun in the lawe of the Lord, which he comaundide to Israel.
41 et post eum Heman et Idithun et reliquos electos unumquemque vocabulo suo ad confitendum Domino quoniam in aeternum misericordia eius
And aftir hym Dauyd ordeynede Eman, and Idithum, and other chosene, ech man bi his name, for to knowleche to the Lord; for his mercy is withouten ende.
42 Heman quoque et Idithun canentes tuba et quatientes cymbala et omnia musicorum organa ad canendum Deo filios autem Idithun fecit esse portarios
Also he ordeynede Eman, and Idithum, trumpynge, and schakynge cymbalis, and alle orguns of musikis, for to synge to God; forsothe he made the sones of Idithum to be portours, `ether bereris.
43 reversusque est omnis populus in domum suam et David ut benediceret etiam domui suae
And al the puple turnede ayen in to her hows, and Dauid turnede ayen, to blesse also his hows.
