Psalmorum 96
1 Canticum David, Quando domus aedificabatur post captivitatem. Cantate Domino canticum novum: cantate Domino omnis terra.
Canticum ipsi David, quando domus ædificabatur post captivitatem. [Cantate Domino canticum novum; cantate Domino omnis terra.
2 Cantate Domino, et benedicite nomini eius: annunciate de die in diem salutare eius.
Cantate Domino, et benedicite nomini ejus; annuntiate de die in diem salutare ejus.
3 Annunciate inter Gentes gloriam eius, in omnibus populis mirabilia eius.
Annuntiate inter gentes gloriam ejus; in omnibus populis mirabilia ejus.
4 Quoniam magnus Dominus, et laudabilis nimis: terribilis est super omnes deos.
Quoniam magnus Dominus, et laudabilis nimis: terribilis est super omnes deos.
5 Quoniam omnes dii Gentium daemonia: Dominus autem caelos fecit.
Quoniam omnes dii gentium dæmonia; Dominus autem cælos fecit.
6 Confessio, et pulchritudo in conspectu eius: sanctimonia, et magnificentia in sanctificatione eius.
Confessio et pulchritudo in conspectu ejus; sanctimonia et magnificentia in sanctificatione ejus.
7 Afferte Domino patriae gentium, afferte Domino gloriam et honorem:
Afferte Domino, patriæ gentium, afferte Domino gloriam et honorem;
8 afferte Domino gloriam nomini eius. Tollite hostias, et introite in atria eius:
afferte Domino gloriam nomini ejus. Tollite hostias, et introite in atria ejus;
9 adorate Dominum in atrio sancto eius. Commoveatur a facie eius universa terra:
adorate Dominum in atrio sancto ejus. Commoveatur a facie ejus universa terra;
10 dicite in Gentibus quia Dominus regnavit. Etenim correxit orbem terrae qui non commovebitur: iudicabit populos in aequitate.
dicite in gentibus, quia Dominus regnavit. Etenim correxit orbem terræ, qui non commovebitur; judicabit populos in æquitate.
11 Laetentur caeli, et exultet terra, commoveatur mare, et plenitudo eius:
Lætentur cæli, et exsultet terra; commoveatur mare et plenitudo ejus;
12 gaudebunt campi, et omnia quae in eis sunt. Tunc exultabunt omnia ligna silvarum
gaudebunt campi, et omnia quæ in eis sunt. Tunc exsultabunt omnia ligna silvarum
13 a facie Domini, quia venit: quoniam venit iudicare terram. Iudicabit orbem terrae in aequitate, et populos in veritate sua.
a facie Domini, quia venit, quoniam venit judicare terram. Judicabit orbem terræ in æquitate, et populos in veritate sua.]
