Psalmorum 95

1 Laus Cantici David. Venite, exultemus Domino: iubilemus Deo salutari nostro:

Laus cantici ipsi David. Venite, exsultemus Domino; jubilemus Deo salutari nostro;

2 Praeoccupemus faciem eius in confessione: et in psalmis iubilemus ei.

præoccupemus faciem ejus in confessione, et in psalmis jubilemus ei:

3 Quoniam Deus magnus Dominus: et rex magnus super omnes deos.

quoniam Deus magnus Dominus, et rex magnus super omnes deos.

4 Quia in manu eius sunt omnes fines terrae: et altitudines montium ipsius sunt.

Quia in manu ejus sunt omnes fines terræ, et altitudines montium ipsius sunt;

5 Quoniam ipsius est mare, et ipse fecit illud: et siccam manus eius formaverunt.

quoniam ipsius est mare, et ipse fecit illud, et siccam manus ejus formaverunt.

6 Venite adoremus, et procidamus: et ploremus ante Dominum, qui fecit nos.

Venite, adoremus, et procidamus, et ploremus ante Dominum qui fecit nos:

7 Quia ipse est Dominus Deus noster: et nos populus pascuae eius, et oves manus eius.

quia ipse est Dominus Deus noster, et nos populus pascuæ ejus, et oves manus ejus.

8 Hodie si vocem eius audieritis, nolite obdurare corda vestra;

Hodie si vocem ejus audieritis, nolite obdurare corda vestra

9 Sicut in irritatione secundum diem tentationis in deserto: ubi tentaverunt me patres vestri, probaverunt, et viderunt opera mea.

sicut in irritatione, secundum diem tentationis in deserto, ubi tentaverunt me patres vestri: probaverunt me, et viderunt opera mea.

10 Quadraginta annis offensus fui generationi illi, et dixi: Semper hi errant corde.

Quadraginta annis offensus fui generationi illi, et dixi: Semper hi errant corde.

11 Et isti non cognoverunt vias meas: ut iuravi in ira mea: Si introibunt in requiem meam.

Et isti non cognoverunt vias meas: ut juravi in ira mea: Si introibunt in requiem meam.