Psalmorum 93

1 Psalmus, laus Cantici David in die ante sabbatum, quando fundata est terra. Dominus regnavit, decorem indutus est: indutus est Dominus fortitudinem, et praecinxit se. Etenim firmavit orbem terrae, qui non commovebitur.

laus cantici David in die ante sabbatum quando inhabitata est terra Dominus regnavit decore indutus est indutus est Dominus fortitudine et praecinxit se etenim firmavit orbem terrae qui non commovebitur

2 Parata sedes tua Deus ex tunc: a saeculo tu es.

parata sedis tua ex tunc a saeculo tu es

3 Elevaverunt flumina Domine: elevaverunt flumina vocem suam. Elevaverunt flumina fluctus suos,

elevaverunt flumina Domine elevaverunt flumina vocem suam elevabunt flumina fluctus suos;

4 a vocibus aquarum multarum. Mirabiles elationes maris, mirabilis in altis Dominus.

a vocibus aquarum multarum mirabiles elationes maris mirabilis in altis Dominus

5 Testimonia tua credibilia facta sunt nimis: domum tuam decet sanctitudo Domine in longitudine dierum.

testimonia tua credibilia facta sunt nimis domum tuam decet sanctitudo Domine in longitudine dierum