Psalmorum 65

1 Psalmus David, in finem. Canticum Hieremiae, et Ezechielis ex populo transmigrationis, cum inciperent exire. Te decet hymnus Deus in Sion: et tibi reddetur votum in Ierusalem.

In finem. Psalmus David, canticum Jeremiæ et Ezechielis populo transmigrationis, cum inciperent exire. [Te decet hymnus, Deus, in Sion, et tibi reddetur votum in Jerusalem.

2 Exaudi orationem meam: ad te omnis caro veniet.

Exaudi orationem meam; ad te omnis caro veniet.

3 Verba iniquorum praevaluerunt super nos: et impietatibus nostris tu propitiaberis.

Verba iniquorum prævaluerunt super nos, et impietatibus nostris tu propitiaberis.

4 Beatus, quem elegisti, et assumpsisti: inhabitabit in atriis tuis. Replebimur in bonis domus tuae: sanctum est templum tuum,

Beatus quem elegisti et assumpsisti: inhabitabit in atriis tuis. Replebimur in bonis domus tuæ; sanctum est templum tuum,

5 mirabile in aequitate. Exaudi nos Deus salutaris noster, spes omnium finium terrae, et in mari longe.

mirabile in æquitate. Exaudi nos, Deus, salutaris noster, spes omnium finium terræ, et in mari longe.

6 Praeparans montes in virtute tua, accinctus potentia:

Præparans montes in virtute tua, accinctus potentia;

7 qui conturbas profundum maris sonum fluctuum eius. Turbabuntur gentes,

qui conturbas profundum maris, sonum fluctuum ejus. Turbabuntur gentes,

8 et timebunt qui habitant terminos a signis tuis: exitus matutini et vespere delectabis.

et timebunt qui habitant terminos a signis tuis; exitus matutini et vespere delectabis.

9 Visitasti terram et inebriasti eam: multiplicasti locupletare eam. Flumen Dei repletum est aquis, parasti cibum illorum: quoniam ita est praeparatio eius.

Visitasti terram, et inebriasti eam; multiplicasti locupletare eam. Flumen Dei repletum est aquis; parasti cibum illorum: quoniam ita est præparatio ejus.

10 Rivos eius inebria, multiplica genimina eius: in stillicidiis eius laetabitur germinans.

Rivos ejus inebria; multiplica genimina ejus: in stillicidiis ejus lætabitur germinans.

11 Benedices coronae anni benignitatis tuae: et campi tui replebuntur ubertate.

Benedices coronæ anni benignitatis tuæ, et campi tui replebuntur ubertate.

12 Pinguescent speciosa deserti: et exultatione colles accingentur.

Pinguescent speciosa deserti, et exsultatione colles accingentur.

13 Induti sunt arietes ovium, et valles abundabunt frumento: clamabunt, etenim hymnum dicent.

Induti sunt arietes ovium, et valles abundabunt frumento; clamabunt, etenim hymnum dicent.]