Psalmorum 56

1 Psalmus In finem, Pro populo, qui a Sanctis longe factus est, David in tituli inscriptionem, cum tenuerunt eum Allophyli in Geth. Miserere mei Deus, quoniam conculcavit me homo: tota die impugnans tribulavit me.

In finem, pro populo qui a sanctis longe factus est. David in tituli inscriptionem, cum tenuerunt eum Allophyli in Geth. Miserere mei, Deus, quoniam conculcavit me homo; tota die impugnans, tribulavit me.

2 Conculcaverunt me inimici mei tota die: quoniam multi bellantes adversum me.

Conculcaverunt me inimici mei tota die, quoniam multi bellantes adversum me.

3 Ab altitudine diei timebo: ego vero in te sperabo.

Ab altitudine diei timebo: ego vero in te sperabo.

4 In Deo laudabo sermones meos, in Deo speravi: non timebo quid faciat mihi caro.

In Deo laudabo sermones meos; in Deo speravi: non timebo quid faciat mihi caro.

5 Tota die verba mea execrabantur: adversum me omnes cogitationes eorum, in malum.

Tota die verba mea execrabantur; adversum me omnes cogitationes eorum in malum.

6 Inhabitabunt et abscondent: ipsi calcaneum meum observabunt. Sicut sustinuerunt animam meam,

Inhabitabunt, et abscondent; ipsi calcaneum meum observabunt. Sicut sustinuerunt animam meam,

7 pro nihilo salvos facies illos: in ira populos confringes.

pro nihilo salvos facies illos; in ira populos confringes.

8 Deus, vitam meam annunciavi tibi: posuisti lacrymas meas in conspectu tuo, Sicut et in promissione tua:

Deus, vitam meam annuntiavi tibi; posuisti lacrimas meas in conspectu tuo, sicut et in promissione tua:

9 tunc convertentur inimici mei retrorsum: In quacumque die invocavero te: ecce cognovi quoniam Deus meus es.

tunc convertentur inimici mei retrorsum. In quacumque die invocavero te, ecce cognovi quoniam Deus meus es.

10 In Deo laudabo verbum, in Domino laudabo sermonem:

In Deo laudabo verbum; in Domino laudabo sermonem.

11 in Deo speravi, non timebo quid faciat mihi homo.

In Deo speravi: non timebo quid faciat mihi homo.

12 In me sunt Deus vota tua, quae reddam, laudationes tibi.

In me sunt, Deus, vota tua, quæ reddam, laudationes tibi:

13 Quoniam eripuisti animam meam de morte, et pedes meos de lapsu: ut placeam coram Deo in lumine viventium.

quoniam eripuisti animam meam de morte, et pedes meos de lapsu, ut placeam coram Deo in lumine viventium.