Psalmorum 54

1 Psalmus, in finem, In hymnis intellectus David, cum venerunt Ziphaei, et dixerunt ad Saul: Nonne ecce David absconditus est apud nos? Deus in nomine tuo salvum me fac: et in virtute tua iudica me.

in finem in carminibus intellectus David cum venissent Ziphei et dixissent ad Saul nonne David absconditus est apud nos Deus in nomine tuo salvum me fac et in virtute tua iudica me

2 Deus exaudi orationem meam: auribus percipe verba oris mei.

Deus exaudi orationem meam auribus percipe verba oris mei

3 Quoniam alieni insurrexerunt adversum me, et fortes quaesierunt animam meam: et non proposuerunt Deum ante conspectum suum.

quoniam alieni insurrexerunt adversum me et fortes quaesierunt animam meam non proposuerunt Deum ante conspectum suum diapsalma

4 Ecce enim Deus adiuvat me: et Dominus susceptor est animae meae.

ecce enim Deus adiuvat me Dominus susceptor animae meae

5 Averte mala inimicis meis: et in veritate tua disperde illos.

avertet mala inimicis meis in veritate tua disperde illos

6 Voluntarie sacrificabo tibi, et confitebor nomini tuo Domine: quoniam bonum est:

voluntarie sacrificabo tibi confitebor nomini tuo Domine quoniam bonum

7 Quoniam ex omni tribulatione eripuisti me: et super inimicos meos despexit oculus meus.

quoniam ex omni tribulatione eripuisti me et super inimicos meos despexit oculus meus