Psalmorum 36

1 Psalmus David, in finem, servo Domini. Dixit iniustus ut delinquat in semetipso: non est timor Dei ante oculos eius.

Pou chèf sanba yo. Se yon sòm David, sèvitè Seyè a. Peche a pale nan fon kè mechan an: li mete nan tèt li pa gen rezon pou gen krentif Bondye.

2 Quoniam dolose egit in conspectu eius: ut inveniatur iniquitas eius ad odium.

Li kwè li pi bon pase sa l' ye a: konsa, li pa vle rekonèt peche l' yo.

3 Verba oris eius iniquitas, et dolus: noluit intelligere ut bene ageret.

Tout pawòl nan bouch li se move pawòl, se manti ase l'ap bay. Li fin pèdi tèt li, li pa ka fè anyen ki byen anko.

4 Iniquitatem meditatus est in cubili suo: astitit omni viae non bonae, malitiam autem non odivit.

Li kouche sou kabann li, l'ap fè move plan. Li sou yon move pant, li dakò ak tou sa ki mal.

5 Domine in caelo misericordia tua: et veritas tua usque ad nubes.

Seyè, ou renmen nou anpil anpil. Ou toujou kenbe pawòl ou.

6 Iustitia tua sicut montes Dei: iudicia tua abyssus multa. Homines, et iumenta salvabis Domine:

Jistis ou kanpe fèm tankou gwo mòn ou yo. Jijman ou yo se bagay moun pa ka fin konprann. Seyè, se ou menm ki pran swen moun ansanm ak tout bèt yo.

7 quemadmodum multiplicasti misericordiam tuam Deus. Filii autem hominum, in tegmine alarum tuarum sperabunt.

Bondye, ala bon sa bon, renmen ou gen pou nou an! Se anba zèl ou lèzòm jwenn pwoteksyon.

8 Inebriabuntur ab ubertate domus tuae: et torrente voluptatis tuae potabis eos.

Yo manje vant plen ak manje yo jwenn an kantite lakay ou. Bon bagay ou yo tankou yon rivyè dlo k'ap koule kote yo bwè kont kò yo.

9 Quoniam apud te est fons vitae: et in lumine tuo videbimus lumen.

Paske, se ou menm ki sous lavi a. Se limyè ou ki fè nou wè klè!

10 Praetende misericordiam tuam scientibus te, et iustitiam tuam his, qui recto sunt corde.

Toujou renmen moun ki konnen ou! Toujou fè byen pou moun ki san repwòch devan ou!

11 Non veniat mihi pes superbiae: et manus peccatoris non moveat me.

Pa kite awogan yo mete pye sou kou m'. Pa kite mechan yo fè m' kouri.

12 Ibi ceciderunt qui operantur iniquitatem: expulsi sunt, nec potuerunt stare.

Gade jan moun k'ap fè mal yo tonbe non! Yo rete atè a, yo pa ka kanpe sou pye yo ankò!