Psalmorum 34
1 Psalmus David, cum immutavit vultum suum coram Achimelech, et dimisit eum et abiit. Benedicam Dominum in omni tempore: semper laus eius in ore meo.
Davidi, cum immutavit vultum suum coram Achimelech, et dimisit eum, et abiit. [Benedicam Dominum in omni tempore; semper laus ejus in ore meo.
2 In Domino laudabitur anima mea: audiant mansueti, et laetentur.
In Domino laudabitur anima mea: audiant mansueti, et lætentur.
3 Magnificate Dominum mecum: et exaltemus nomen eius in idipsum.
Magnificate Dominum mecum, et exaltemus nomen ejus in idipsum.
4 Exquisivi Dominum, et exaudivit me: et ex omnibus tribulationibus meis eripuit me.
Exquisivi Dominum, et exaudivit me; et ex omnibus tribulationibus meis eripuit me.
5 Accedite ad eum, et illuminamini: et facies vestrae non confundentur.
Accedite ad eum, et illuminamini; et facies vestræ non confundentur.
6 Iste pauper clamavit, et Dominus exaudivit eum: et de omnibus tribulationibus eius salvavit eum.
Iste pauper clamavit, et Dominus exaudivit eum, et de omnibus tribulationibus ejus salvavit eum.
7 Immittet angelus Domini in circuitu timentium eum: et eripiet eos.
Immittet angelus Domini in circuitu timentium eum, et eripiet eos.
8 Gustate, et videte quoniam suavis est Dominus: beatus vir, qui sperat in eo.
Gustate et videte quoniam suavis est Dominus; beatus vir qui sperat in eo.
9 Timete Dominum omnes sancti eius: quoniam non est inopia timentibus eum.
Timete Dominum, omnes sancti ejus, quoniam non est inopia timentibus eum.
10 Divites eguerunt et esurierunt: inquirentes autem Dominum non minuentur omni bono.
Divites eguerunt, et esurierunt; inquirentes autem Dominum non minuentur omni bono.
11 Venite filii, audite me: timorem Domini docebo vos.
Venite, filii; audite me: timorem Domini docebo vos.
12 Quis est homo qui vult vitam: diligit dies videre bonos?
Quis est homo qui vult vitam; diligit dies videre bonos?
13 Prohibe linguam tuam a malo: et labia tua ne loquantur dolum.
Prohibe linguam tuam a malo, et labia tua ne loquantur dolum.
14 Diverte a malo, et fac bonum: inquire pacem, et persequere eam.
Diverte a malo, et fac bonum; inquire pacem, et persequere eam.
15 Oculi Domini super iustos: et aures eius in preces eorum.
Oculi Domini super justos, et aures ejus in preces eorum.
16 Vultus autem Domini super facientes mala: ut perdat de terra memoriam eorum.
Vultus autem Domini super facientes mala, ut perdat de terra memoriam eorum.
17 Clamaverunt iusti, et Dominus exaudivit eos: et ex omnibus tribulationibus eorum liberavit eos.
Clamaverunt justi, et Dominus exaudivit eos; et ex omnibus tribulationibus eorum liberavit eos.
18 Iuxta est Dominus iis, qui tribulato sunt corde: et humiles spiritu salvabit.
Juxta est Dominus iis qui tribulato sunt corde, et humiles spiritu salvabit.
19 Multae tribulationes iustorum: et de omnibus his liberabit eos Dominus.
Multæ tribulationes justorum; et de omnibus his liberabit eos Dominus.
20 Custodit Dominus omnia ossa eorum: unum ex his non conteretur.
Custodit Dominus omnia ossa eorum: unum ex his non conteretur.
21 Mors peccatorum pessima: et qui oderunt iustum delinquent.
Mors peccatorum pessima; et qui oderunt justum delinquent.
22 Redimet Dominus animas servorum suorum: et non delinquent omnes qui sperant in eo.
Redimet Dominus animas servorum suorum, et non delinquent omnes qui sperant in eo.]
