Psalmorum 149

1 Alleluia. Cantate Domino canticum novum: laus eius in ecclesia sanctorum.

Alleluia. Cantate Domino canticum novum: laus eius in ecclesia sanctorum.

2 Laetetur Israel in eo, qui fecit eum: et filiae Sion exultent in rege suo.

Lætetur Israel in eo, qui fecit eum: et filii Sion exultent in rege suo.

3 Laudent nomen eius in choro: in tympano, et psalterio psallant ei:

Laudent nomen eius in choro: in tympano, et psalterio psallant ei:

4 Quia beneplacitum est Domino in populo suo: et exaltavit mansuetos in salutem.

Quia beneplacitum est Domino in populo suo: et exaltabit mansuetos in salutem.

5 Exultabunt sancti in gloria: laetabuntur in cubilibus suis.

Exultabunt sancti in gloria: lætabuntur in cubilibus suis.

6 Exultationes Dei in gutture eorum: et gladii ancipites in manibus eorum:

Exaltationes Dei in gutture eorum: et gladii ancipites in manibus eorum:

7 Ad faciendam vindictam in nationibus: increpationes in populis.

Ad faciendam vindictam in nationibus: increpationes in populis.

8 Ad alligandos reges eorum in compedibus: et nobiles eorum in manicis ferreis.

Ad alligandos reges eorum in compedibus: et nobiles eorum in manicis ferreis.

9 Ut faciant in eis iudicium conscriptum: gloria haec est omnibus sanctis eius. Alleluia.

Ut faciant in eis iudicium conscriptum: gloria hæc est omnibus sanctis eius. Alleluia.