Psalmorum 139
1 Psalmus David, in finem. Domine probasti me, et cognovisti me:
in finem David psalmus
2 tu cognovisti sessionem meam, et resurrectionem meam.
Domine probasti me et cognovisti me tu cognovisti sessionem meam et surrectionem meam
3 Intellexisti cogitationes meas de longe: semitam meam, et funiculum meum investigasti.
intellexisti cogitationes meas de longe semitam meam et funiculum meum investigasti
4 Et omnes vias meas praevidisti: quia non est sermo in lingua mea.
et omnes vias meas praevidisti quia non est sermo in lingua mea
5 Ecce Domine tu cognovisti omnia novissima, et antiqua: tu formasti me, et posuisti super me manum tuam.
ecce Domine tu cognovisti omnia novissima et antiqua tu formasti me et posuisti super me manum tuam
6 Mirabilis facta est scientia tua ex me: confortata est, et non potero ad eam.
mirabilis facta est scientia tua ex me confortata est non potero ad eam
7 Quo ibo a spiritu tuo? et quo a facie tua fugiam?
quo ibo ab spiritu tuo et quo a facie tua fugiam
si ascendero in caelum tu illic es si descendero ad infernum ades (Sheol h7585)
9 Si sumpsero pennas meas diluculo, et habitavero in extremis maris:
si sumpsero pinnas meas diluculo et habitavero in extremis maris
10 Etenim illuc manus tua deducet me: et tenebit me dextera tua.
etenim illuc manus tua deducet me et tenebit me dextera tua
11 Et dixi: Forsitan tenebrae conculcabunt me: et nox illuminatio mea in deliciis meis.
et dixi forsitan tenebrae conculcabunt me et nox inluminatio in deliciis meis
12 Quia tenebrae non obscurabuntur a te, et nox sicut dies illuminabitur: sicut tenebrae eius, ita et lumen eius.
quia tenebrae non obscurabuntur a te et nox sicut dies inluminabitur sicut tenebrae eius ita et lumen eius
13 Quia tu possedisti renes meos: suscepisti me de utero matris meae.
quia tu possedisti renes meos suscepisti me de utero matris meae
14 Confitebor tibi quia terribiliter magnificatus es: mirabilia opera tua, et anima mea cognoscet nimis.
confitebor tibi quia terribiliter magnificatus es mirabilia opera tua et anima mea cognoscit nimis
15 Non est occultatum os meum a te, quod fecisti in occulto: et substantia mea in inferioribus terrae.
non est occultatum os meum a te quod fecisti in occulto et substantia mea in inferioribus terrae
16 Imperfectum meum viderunt oculi tui, et in libro tuo omnes scribentur: dies formabuntur, et nemo in eis.
inperfectum meum viderunt oculi tui et in libro tuo omnes scribentur die formabuntur et nemo in eis
17 Mihi autem nimis honorificati sunt amici tui, Deus: nimis confortatus est principatus eorum.
mihi autem nimis honorificati sunt amici tui Deus nimis confirmati sunt principatus eorum
18 Dinumerabo eos, et super arenam multiplicabuntur: exurrexi, et adhuc sum tecum.
dinumerabo eos et super harenam multiplicabuntur exsurrexi et adhuc sum tecum
19 Si occideris Deus peccatores: viri sanguinum declinate a me:
si occideris Deus peccatores et viri sanguinum declinate a me
20 Quia dicitis in cogitatione: accipient in vanitate civitates suas.
quia dices in cogitatione accipient in vanitate civitates tuas
21 Nonne qui oderunt te Domine, oderam: et super inimicos tuos tabescebam?
nonne qui oderunt te Domine oderam et super inimicos tuos tabescebam
22 Perfecto odio oderam illos: et inimici facti sunt mihi.
perfecto odio oderam illos inimici facti sunt mihi
23 Proba me Deus, et scito cor meum: interroga me, et cognosce semitas meas.
proba me Deus et scito cor meum interroga me et cognosce semitas meas
24 Et vide, si via iniquitatis in me est: et deduc me in via aeterna.
et vide si via iniquitatis in me est et deduc me in via aeterna
