Psalmorum 132
1 Canticum graduum. Memento Domine David, et omnis mansuetudinis eius:
Canticum graduum. Memento, Domine, David, et omnis mansuetudinis ejus:
2 Sicut iuravit Domino, votum vovit Deo Iacob:
sicut juravit Domino; votum vovit Deo Jacob:
3 Si introiero in tabernaculum domus meae, si ascendero in lectum strati mei:
Si introiero in tabernaculum domus meæ; si ascendero in lectum strati mei;
4 Si dedero somnum oculis meis, et palpebris meis dormitationem:
si dedero somnum oculis meis, et palpebris meis dormitationem,
5 Et requiem temporibus meis: donec inveniam locum Domino, tabernaculum Deo Iacob.
et requiem temporibus meis, donec inveniam locum Domino, tabernaculum Deo Jacob.
6 Ecce audivimus eam in Ephrata: invenimus eam in campis silvae.
Ecce audivimus eam in Ephrata; invenimus eam in campis silvæ.
7 Introibimus in tabernaculum eius: adorabimus in loco, ubi steterunt pedes eius.
Introibimus in tabernaculum ejus; adorabimus in loco ubi steterunt pedes ejus.
8 Surge Domine in requiem tuam, tu et arca sanctificationis tuae.
Surge, Domine, in requiem tuam, tu et arca sanctificationis tuæ.
9 Sacerdotes tui induantur iustitiam: et sancti tui exultent.
Sacerdotes tui induantur justitiam, et sancti tui exsultent.
10 Propter David servum tuum, non avertas faciem Christi tui.
Propter David servum tuum non avertas faciem christi tui.
11 Iuravit Dominus David veritatem, et non frustrabitur eum: de fructu ventris tui ponam super sedem tuam.
Juravit Dominus David veritatem, et non frustrabitur eam: De fructu ventris tui ponam super sedem tuam.
12 Si custodierint filii tui testamentum meum, et testimonia mea haec, quae docebo eos: Et filii eorum usque in saeculum, sedebunt super sedem tuam.
Si custodierint filii tui testamentum meum, et testimonia mea hæc quæ docebo eos, et filii eorum usque in sæculum sedebunt super sedem tuam.
13 Quoniam elegit Dominus Sion: elegit eam in habitationem sibi.
Quoniam elegit Dominus Sion: elegit eam in habitationem sibi.
14 Haec requies mea in saeculum saeculi: hic habitabo quoniam elegi eam.
Hæc requies mea in sæculum sæculi; hic habitabo, quoniam elegi eam.
15 Viduam eius benedicens benedicam: pauperes eius saturabo panibus.
Viduam ejus benedicens benedicam; pauperes ejus saturabo panibus.
16 Sacerdotes eius induam salutari: et sancti eius exultatione exultabunt.
Sacerdotes ejus induam salutari, et sancti ejus exsultatione exsultabunt.
17 Illuc producam cornu David, paravi lucernam Christo meo.
Illuc producam cornu David; paravi lucernam christo meo.
18 Inimicos eius induam confusione: super ipsum autem efflorebit sanctificatio mea.
Inimicos ejus induam confusione; super ipsum autem efflorebit sanctificatio mea.
