Psalmorum 122

1 Canticum graduum. Laetatus sum in his, quae dicta sunt mihi: In domum Domini ibimus.

canticum graduum huic David laetatus sum in his quae dicta sunt mihi in domum Domini ibimus

2 Stantes erant pedes nostri, in atriis tuis Ierusalem.

stantes erant pedes nostri in atriis tuis Hierusalem

3 Ierusalem, quae aedificatur ut civitas: cuius participatio eius in idipsum.

Hierusalem quae aedificatur ut civitas cuius participatio eius in id ipsum

4 Illuc enim ascenderunt tribus, tribus Domini: testimonium Israel ad confitendum nomini Domini.

illic enim ascenderunt tribus tribus Domini testimonium Israhel ad confitendum nomini Domini

5 Quia illic sederunt sedes in iudicio, sedes super domum David.

quia illic sederunt sedes in iudicium sedes super domum David

6 Rogate quae ad pacem sunt Ierusalem: et abundantia diligentibus te.

rogate quae ad pacem sunt Hierusalem et abundantia diligentibus te

7 Fiat pax in virtute tua: et abundantia in turribus tuis.

fiat pax in virtute tua et abundantia in turribus tuis

8 Propter fratres meos, et proximos meos, loquebar pacem de te:

propter fratres meos et proximos meos loquebar pacem de te

9 Propter domum Domini Dei nostri, quaesivi bona tibi.

propter domum Domini Dei nostri quaesivi bona tibi