Psalmorum 119
1 Alleluia. ALEPH. Beati immaculati in via: qui ambulant in lege Domini.
| אשרי תמימי דרך ההלכים בתורת יהוה׃ |
2 Beati, qui scrutantur testimonia eius: in toto corde exquirunt eum.
| אשרי נצרי עדתיו בכל לב ידרשוהו׃ |
3 Non enim qui operantur iniquitatem, in viis eius ambulaverunt.
| אף לא פעלו עולה בדרכיו הלכו׃ |
4 Tu mandasti mandata tua custodiri nimis.
| אתה צויתה פקדיך לשמר מאד׃ |
5 Utinam dirigantur viae meae, ad custodiendas iustificationes tuas.
| אחלי יכנו דרכי לשמר חקיך׃ |
6 Tunc non confundar, cum perspexero in omnibus mandatis tuis.
| אז לא אבוש בהביטי אל כל מצותיך׃ |
7 Confitebor tibi in directione cordis: in eo quod didici iudicia iustitiae tuae.
| אודך בישר לבב בלמדי משפטי צדקך׃ |
8 Iustificationes tuas custodiam: non me derelinquas usquequaque.
| את חקיך אשמר אל תעזבני עד מאד׃ |
9 BETH. In quo corrigit adolescentior viam suam? in custodiendo sermones tuos.
| במה יזכה נער את ארחו לשמר כדברך׃ |
10 In toto corde meo exquisivi te: ne repellas me a mandatis tuis.
| בכל לבי דרשתיך אל תשגני ממצותיך׃ |
11 In corde meo abscondi eloquia tua: ut non peccem tibi.
| בלבי צפנתי אמרתך למען לא אחטא לך׃ |
12 Benedictus es Domine: doce me iustificationes tuas.
| ברוך אתה יהוה למדני חקיך׃ |
13 In labiis meis, pronunciavi omnia iudicia oris tui.
| בשפתי ספרתי כל משפטי פיך׃ |
14 In via testimoniorum tuorum delectatus sum, sicut in omnibus divitiis.
| בדרך עדותיך ששתי כעל כל הון׃ |
15 In mandatis tuis exercebor: et considerabo vias tuas.
| בפקדיך אשיחה ואביטה ארחתיך׃ |
16 In iustificationibus tuis meditabor: non obliviscar sermones tuos.
| בחקתיך אשתעשע לא אשכח דברך׃ |
17 GHIMEL. Retribue servo tuo, vivifica me: et custodiam sermones tuos.
| גמל על עבדך אחיה ואשמרה דברך׃ |
18 Revela oculos meos: et considerabo mirabilia de lege tua.
| גל עיני ואביטה נפלאות מתורתך׃ |
19 Incola ego sum in terra: non abscondas a me mandata tua.
| גר אנכי בארץ אל תסתר ממני מצותיך׃ |
20 Concupivit anima mea desiderare iustificationes tuas, in omni tempore.
| גרסה נפשי לתאבה אל משפטיך בכל עת׃ |
21 Increpasti superbos: maledicti qui declinant a mandatis tuis.
| גערת זדים ארורים השגים ממצותיך׃ |
22 Aufer a me opprobrium, et contemptum: quia testimonia tua exquisivi.
| גל מעלי חרפה ובוז כי עדתיך נצרתי׃ |
23 Etenim sederunt principes, et adversum me loquebantur: servus autem tuus exercebatur in iustificationibus tuis.
| גם ישבו שרים בי נדברו עבדך ישיח בחקיך׃ |
24 Nam et testimonia tua meditatio mea est: et consilium meum iustificationes tuae.
| גם עדתיך שעשעי אנשי עצתי׃ |
25 DALETH. Adhaesit pavimento anima mea: vivifica me secundum verbum tuum.
| דבקה לעפר נפשי חיני כדברך׃ |
26 Vias meas enunciavi, et exaudisti me: doce me iustificationes tuas.
| דרכי ספרתי ותענני למדני חקיך׃ |
27 Viam iustificationum tuarum instrue me: et exercebor in mirabilibus tuis.
| דרך פקודיך הבינני ואשיחה בנפלאותיך׃ |
28 Dormitavit anima mea prae taedio: confirma me in verbis tuis.
| דלפה נפשי מתוגה קימני כדברך׃ |
29 Viam iniquitatis amove a me: et de lege tua miserere mei.
| דרך שקר הסר ממני ותורתך חנני׃ |
30 Viam veritatis elegi: iudicia tua non sum oblitus.
| דרך אמונה בחרתי משפטיך שויתי׃ |
31 Adhaesi testimoniis tuis Domine: noli me confundere.
| דבקתי בעדותיך יהוה אל תבישני׃ |
32 Viam mandatorum tuorum cucurri, cum dilatasti cor meum.
| דרך מצותיך ארוץ כי תרחיב לבי׃ |
33 HE. Legem pone mihi Domine viam iustificationum tuarum: et exquiram eam semper.
| הורני יהוה דרך חקיך ואצרנה עקב׃ |
34 Da mihi intellectum, et scrutabor legem tuam: et custodiam illam in toto corde meo.
| הבינני ואצרה תורתך ואשמרנה בכל לב׃ |
35 Deduc me in semitam mandatorum tuorum: quia ipsam volui.
| הדריכני בנתיב מצותיך כי בו חפצתי׃ |
36 Inclina cor meum in testimonia tua: et non in avaritiam.
| הט לבי אל עדותיך ואל אל בצע׃ |
37 Averte oculos meos ne videant vanitatem: in via tua vivifica me.
| העבר עיני מראות שוא בדרכך חיני׃ |
38 Statue servo tuo eloquium tuum, in timore tuo.
| הקם לעבדך אמרתך אשר ליראתך׃ |
39 Amputa opprobrium meum, quod suspicatus sum: quia iudicia tua iucunda.
| העבר חרפתי אשר יגרתי כי משפטיך טובים׃ |
40 Ecce concupivi mandata tua: in aequitate tua vivifica me.
| הנה תאבתי לפקדיך בצדקתך חיני׃ |
41 VAU. Et veniat super me misericordia tua Domine: salutare tuum secundum eloquium tuum.
| ויבאני חסדך יהוה תשועתך כאמרתך׃ |
42 Et respondebo exprobrantibus mihi verbum: quia speravi in sermonibus tuis.
| ואענה חרפי דבר כי בטחתי בדברך׃ |
43 Et ne auferas de ore meo verbum veritatis usquequaque: quia in iudiciis tuis supersperavi.
| ואל תצל מפי דבר אמת עד מאד כי למשפטך יחלתי׃ |
44 Et custodiam legem tuam semper: in saeculum et in saeculum saeculi.
| ואשמרה תורתך תמיד לעולם ועד׃ |
45 Et ambulabam in latitudine: quia mandata tua exquisivi.
| ואתהלכה ברחבה כי פקדיך דרשתי׃ |
46 Et loquebar in testimoniis tuis in conspectu regum: et non confundebar.
| ואדברה בעדתיך נגד מלכים ולא אבוש׃ |
47 Et meditabar in mandatis tuis, quae dilexi.
| ואשתעשע במצותיך אשר אהבתי׃ |
48 Et levavi manus meas ad mandata tua, quae dilexi: et exercebor in iustificationibus tuis.
| ואשא כפי אל מצותיך אשר אהבתי ואשיחה בחקיך׃ |
49 ZAIN. Memor esto verbi tui servo tuo, in quo mihi spem dedisti.
| זכר דבר לעבדך על אשר יחלתני׃ |
50 Haec me consolata est in humilitate mea: quia eloquium tuum vivificavit me.
| זאת נחמתי בעניי כי אמרתך חיתני׃ |
51 Superbi inique agebant usquequaque: a lege autem tua non declinavi.
| זדים הליצני עד מאד מתורתך לא נטיתי׃ |
52 Memor fui iudiciorum tuorum a saeculo Domine: et consolatus sum.
| זכרתי משפטיך מעולם יהוה ואתנחם׃ |
53 Defectio tenuit me, pro peccatoribus derelinquentibus legem tuam.
| זלעפה אחזתני מרשעים עזבי תורתך׃ |
54 Cantabiles mihi erant iustificationes tuae, in loco peregrinationis meae.
| זמרות היו לי חקיך בבית מגורי׃ |
55 Memor fui nocte nominis tui Domine: et custodivi legem tuam.
| זכרתי בלילה שמך יהוה ואשמרה תורתך׃ |
56 Haec facta est mihi: quia iustificationes tuas exquisivi.
| זאת היתה לי כי פקדיך נצרתי׃ |
57 HETH. Portio mea Domine, dixi custodire legem tuam.
| חלקי יהוה אמרתי לשמר דבריך׃ |
58 Deprecatus sum faciem tuam in toto corde meo: miserere mei secundum eloquium tuum.
| חליתי פניך בכל לב חנני כאמרתך׃ |
59 Cogitavi vias meas: et converti pedes meos in testimonia tua.
| חשבתי דרכי ואשיבה רגלי אל עדתיך׃ |
60 Paratus sum, et non sum turbatus: ut custodiam mandata tua.
| חשתי ולא התמהמהתי לשמר מצותיך׃ |
61 Funes peccatorum circumplexi sunt me: et legem tuam non sum oblitus.
| חבלי רשעים עודני תורתך לא שכחתי׃ |
62 Media nocte surgebam ad confitendum tibi, super iudicia iustificationis tuae.
| חצות לילה אקום להודות לך על משפטי צדקך׃ |
63 Particeps ego sum omnium timentium te: et custodientium mandata tua.
| חבר אני לכל אשר יראוך ולשמרי פקודיך׃ |
64 Misericordia tua Domine plena est terra: iustificationes tuas doce me.
| חסדך יהוה מלאה הארץ חקיך למדני׃ |
65 TETH. Bonitatem fecisti cum servo tuo Domine, secundum verbum tuum.
| טוב עשית עם עבדך יהוה כדברך׃ |
66 Bonitatem, et disciplinam, et scientiam doce me: quia mandatis tuis credidi.
| טוב טעם ודעת למדני כי במצותיך האמנתי׃ |
67 Priusquam humiliarer ego deliqui: propterea eloquium tuum custodivi.
| טרם אענה אני שגג ועתה אמרתך שמרתי׃ |
68 Bonus es tu: et in bonitate tua doce me iustificationes tuas.
| טוב אתה ומטיב למדני חקיך׃ |
69 Multiplicata est super me iniquitas superborum: ego autem in toto corde scrutabor mandata tua.
| טפלו עלי שקר זדים אני בכל לב אצר פקודיך׃ |
70 Coagulatum est sicut lac cor eorum: ego vero legem tuam meditatus sum.
| טפש כחלב לבם אני תורתך שעשעתי׃ |
71 Bonum mihi quia humiliasti me: ut discam iustificationes tuas.
| טוב לי כי עניתי למען אלמד חקיך׃ |
72 Bonum mihi lex oris tui, super millia auri, et argenti.
| טוב לי תורת פיך מאלפי זהב וכסף׃ |
73 IOD. Manus tuae fecerunt me, et plasmaverunt me: da mihi intellectum, ut discam mandata tua.
| ידיך עשוני ויכוננוני הבינני ואלמדה מצותיך׃ |
74 Qui timent te videbunt me, et laetabuntur: quia in verba tua supersperavi.
| יראיך יראוני וישמחו כי לדברך יחלתי׃ |
75 Cognovi Domine quia aequitas iudicia tua: et in veritate tua humiliasti me.
| ידעתי יהוה כי צדק משפטיך ואמונה עניתני׃ |
76 Fiat misericordia tua ut consoletur me, secundum eloquium tuum servo tuo.
| יהי נא חסדך לנחמני כאמרתך לעבדך׃ |
77 Veniant mihi miserationes tuae, et vivam: quia lex tua meditatio mea est.
| יבאוני רחמיך ואחיה כי תורתך שעשעי׃ |
78 Confundantur superbi, quia iniuste iniquitatem fecerunt in me: ego autem exercebor in mandatis tuis.
| יבשו זדים כי שקר עותוני אני אשיח בפקודיך׃ |
79 Convertantur mihi timentes te: et qui noverunt testimonia tua.
| ישובו לי יראיך וידעו עדתיך׃ |
80 Fiat cor meum immaculatum in iustificationibus tuis, ut non confundar.
| יהי לבי תמים בחקיך למען לא אבוש׃ |
81 CAPH. Defecit in salutare tuum anima mea: et in verbum tuum supersperavi.
| כלתה לתשועתך נפשי לדברך יחלתי׃ |
82 Defecerunt oculi mei in eloquium tuum, dicentes: Quando consolaberis me?
| כלו עיני לאמרתך לאמר מתי תנחמני׃ |
83 Quia factus sum sicut uter in pruina: iustificationes tuas non sum oblitus.
| כי הייתי כנאד בקיטור חקיך לא שכחתי׃ |
84 Quot sunt dies servi tui: quando facies de persequentibus me iudicium?
| כמה ימי עבדך מתי תעשה ברדפי משפט׃ |
85 Narraverunt mihi iniqui fabulationes: sed non ut lex tua.
| כרו לי זדים שיחות אשר לא כתורתך׃ |
86 Omnia mandata tua veritas: iniqui persecuti sunt me, adiuva me.
| כל מצותיך אמונה שקר רדפוני עזרני׃ |
87 Paulominus consummaverunt me in terra: ego autem non dereliqui mandata tua.
| כמעט כלוני בארץ ואני לא עזבתי פקודיך׃ |
88 Secundum misericordiam tuam vivifica me: et custodiam testimonia oris tui.
| כחסדך חיני ואשמרה עדות פיך׃ |
89 LAMED. In aeternum Domine, verbum tuum permanet in caelo.
| לעולם יהוה דברך נצב בשמים׃ |
90 In generatione et generationem veritas tua: fundasti terram, et permanet.
| לדר ודר אמונתך כוננת ארץ ותעמד׃ |
91 Ordinatione tua perseverat dies: quoniam omnia serviunt tibi.
| למשפטיך עמדו היום כי הכל עבדיך׃ |
92 Nisi quod lex tua meditatio mea est: tunc forte periissem in humilitate mea.
| לולי תורתך שעשעי אז אבדתי בעניי׃ |
93 In aeternum non obliviscar iustificationes tuas: quia in ipsis vivificasti me.
| לעולם לא אשכח פקודיך כי בם חייתני׃ |
94 Tuus sum ego, salvum me fac: quoniam iustificationes tuas exquisivi.
| לך אני הושיעני כי פקודיך דרשתי׃ |
95 Me expectaverunt peccatores ut perderent me: testimonia tua intellexi.
| לי קוו רשעים לאבדני עדתיך אתבונן׃ |
96 Omnis consummationis vidi finem: latum mandatum tuum nimis.
| לכל תכלה ראיתי קץ רחבה מצותך מאד׃ |
97 MEM. Quomodo dilexi legem tuam Domine? tota die meditatio mea est.
| מה אהבתי תורתך כל היום היא שיחתי׃ |
98 Super inimicos meos prudentem me fecisti mandato tuo: quia in aeternum mihi est.
| מאיבי תחכמני מצותך כי לעולם היא לי׃ |
99 Super omnes docentes me intellexi: quia testimonia tua meditatio mea est.
| מכל מלמדי השכלתי כי עדותיך שיחה לי׃ |
100 Super senes intellexi: quia mandata tua quaesivi.
| מזקנים אתבונן כי פקודיך נצרתי׃ |
101 Ab omni via mala prohibui pedes meos: ut custodiam verba tua.
| מכל ארח רע כלאתי רגלי למען אשמר דברך׃ |
102 A iudiciis tuis non declinavi: quia tu legem posuisti mihi.
| ממשפטיך לא סרתי כי אתה הורתני׃ |
103 Quam dulcia faucibus meis eloquia tua, super mel ori meo!
| מה נמלצו לחכי אמרתך מדבש לפי׃ |
104 A mandatis tuis intellexi: propterea odivi omnem viam iniquitatis.
| מפקודיך אתבונן על כן שנאתי כל ארח שקר׃ |
105 NUN. Lucerna pedibus meis verbum tuum, et lumen semitis meis.
| נר לרגלי דברך ואור לנתיבתי׃ |
106 Iuravi, et statui custodire iudicia iustitiae tuae.
| נשבעתי ואקימה לשמר משפטי צדקך׃ |
107 Humiliatus sum usquequaque Domine: vivifica me secundum verbum tuum.
| נעניתי עד מאד יהוה חיני כדברך׃ |
108 Voluntaria oris mei beneplacita fac Domine: et iudicia tua doce me.
| נדבות פי רצה נא יהוה ומשפטיך למדני׃ |
109 Anima mea in manibus meis semper: et legem tuam non sum oblitus.
| נפשי בכפי תמיד ותורתך לא שכחתי׃ |
110 Posuerunt peccatores laqueum mihi: et de mandatis tuis non erravi.
| נתנו רשעים פח לי ומפקודיך לא תעיתי׃ |
111 Hereditate acquisivi testimonia tua in aeternum: quia exultatio cordis mei sunt.
| נחלתי עדותיך לעולם כי ששון לבי המה׃ |
112 Inclinavi cor meum ad faciendas iustificationes tuas in aeternum, propter retributionem.
| נטיתי לבי לעשות חקיך לעולם עקב׃ |
113 SAMECH. Iniquos odio habui: et legem tuam dilexi.
| סעפים שנאתי ותורתך אהבתי׃ |
114 Adiutor, et susceptor meus es tu: et in verbum tuum supersperavi.
| סתרי ומגני אתה לדברך יחלתי׃ |
115 Declinate a me maligni: et scrutabor mandata Dei mei.
| סורו ממני מרעים ואצרה מצות אלהי׃ |
116 Suscipe me secundum eloquium tuum, et vivam: et non confundas me ab expectatione mea.
| סמכני כאמרתך ואחיה ואל תבישני משברי׃ |
117 Adiuva me, et salvus ero: et meditabor in iustificationibus tuis semper.
| סעדני ואושעה ואשעה בחקיך תמיד׃ |
118 Sprevisti omnes discedentes a iudiciis tuis: quia iniusta cogitatio eorum.
| סלית כל שוגים מחקיך כי שקר תרמיתם׃ |
119 Praevaricantes reputavi omnes peccatores terrae: ideo dilexi testimonia tua.
| סגים השבת כל רשעי ארץ לכן אהבתי עדתיך׃ |
120 Confige timore tuo carnes meas: a iudiciis enim tuis timui.
| סמר מפחדך בשרי וממשפטיך יראתי׃ |
121 AIN. Feci iudicium et iustitiam: non tradas me calumniantibus me.
| עשיתי משפט וצדק בל תניחני לעשקי׃ |
122 Suscipe servum tuum in bonum: non calumnientur me superbi.
| ערב עבדך לטוב אל יעשקני זדים׃ |
123 Oculi mei defecerunt in salutare tuum: et in eloquium iustitiae tuae.
| עיני כלו לישועתך ולאמרת צדקך׃ |
124 Fac cum servo tuo secundum misericordiam tuam: et iustificationes tuas doce me.
| עשה עם עבדך כחסדך וחקיך למדני׃ |
125 Servus tuus sum ego: da mihi intellectum, ut sciam testimonia tua.
| עבדך אני הבינני ואדעה עדתיך׃ |
126 Tempus faciendi Domine: dissipaverunt legem tuam.
| עת לעשות ליהוה הפרו תורתך׃ |
127 Ideo dilexi mandata tua, super aurum et topazion.
| על כן אהבתי מצותיך מזהב ומפז׃ |
128 Propterea ad omnia mandata tua dirigebar: omnem viam iniquam odio habui.
| על כן כל פקודי כל ישרתי כל ארח שקר שנאתי׃ |
129 PHE. Mirabilia testimonia tua: ideo scrutata est ea anima mea.
| פלאות עדותיך על כן נצרתם נפשי׃ |
130 Declaratio sermonum tuorum illuminat: et intellectum dat parvulis.
| פתח דבריך יאיר מבין פתיים׃ |
131 Os meum aperui, et attraxi spiritum: quia mandata tua desiderabam.
| פי פערתי ואשאפה כי למצותיך יאבתי׃ |
132 Aspice in me, et miserere mei, secundum iudicium diligentium nomen tuum.
| פנה אלי וחנני כמשפט לאהבי שמך׃ |
133 Gressus meos dirige secundum eloquium tuum: et non dominetur mei omnis iniustitia.
| פעמי הכן באמרתך ואל תשלט בי כל און׃ |
134 Redime me a calumniis hominum: ut custodiam mandata tua.
| פדני מעשק אדם ואשמרה פקודיך׃ |
135 Faciem tuam illumina super servum tuum: et doce me iustificationes tuas.
| פניך האר בעבדך ולמדני את חקיך׃ |
136 Exitus aquarum deduxerunt oculi mei: quia non custodierunt legem tuam.
| פלגי מים ירדו עיני על לא שמרו תורתך׃ |
137 SADE. Iustus es Domine: et rectum iudicium tuum.
| צדיק אתה יהוה וישר משפטיך׃ |
138 Mandasti iustitiam testimonia tua: et veritatem tuam nimis.
| צוית צדק עדתיך ואמונה מאד׃ |
139 Tabescere me fecit zelus meus: quia obliti sunt verba tua inimici mei.
| צמתתני קנאתי כי שכחו דבריך צרי׃ |
140 Ignitum eloquium tuum vehementer: et servus tuus dilexit illud.
| צרופה אמרתך מאד ועבדך אהבה׃ |
141 Adolescentulus sum ego, et contemptus: iustificationes tuas non sum oblitus.
| צעיר אנכי ונבזה פקדיך לא שכחתי׃ |
142 Iustitia tua, iustitia in aeternum: et lex tua veritas.
| צדקתך צדק לעולם ותורתך אמת׃ |
143 Tribulatio, et angustia invenerunt me: mandata tua meditatio mea est.
| צר ומצוק מצאוני מצותיך שעשעי׃ |
144 Aequitas testimonia tua in aeternum: intellectum da mihi, et vivam.
| צדק עדותיך לעולם הבינני ואחיה׃ |
145 COPH. Clamavi in toto corde meo, exaudi me Domine: iustificationes tuas requiram.
| קראתי בכל לב ענני יהוה חקיך אצרה׃ |
146 Clamavi ad te, salvum me fac: ut custodiam mandata tua.
| קראתיך הושיעני ואשמרה עדתיך׃ |
147 Praeveni in maturitate, et clamavi: quia in verba tua supersperavi.
| קדמתי בנשף ואשועה לדבריך יחלתי׃ |
148 Praevenerunt oculi mei ad te diluculo: ut meditarer eloquia tua.
| קדמו עיני אשמרות לשיח באמרתך׃ |
149 Vocem meam audi secundum misericordiam tuam Domine: et secundum iudicium tuum vivifica me.
| קולי שמעה כחסדך יהוה כמשפטך חיני׃ |
150 Appropinquaverunt persequentes me iniquitati: a lege autem tua longe facti sunt.
| קרבו רדפי זמה מתורתך רחקו׃ |
151 Prope es tu Domine: et omnes viae tuae veritas.
| קרוב אתה יהוה וכל מצותיך אמת׃ |
152 Initio cognovi de testimoniis tuis: quia in aeternum fundasti ea.
| קדם ידעתי מעדתיך כי לעולם יסדתם׃ |
153 RES. Vide humilitatem meam, et eripe me: quia legem tuam non sum oblitus.
| ראה עניי וחלצני כי תורתך לא שכחתי׃ |
154 Iudica iudicium meum, et redime me: propter eloquium tuum vivifica me.
| ריבה ריבי וגאלני לאמרתך חיני׃ |
155 Longe a peccatoribus salus: quia iustificationes tuas non exquisierunt.
| רחוק מרשעים ישועה כי חקיך לא דרשו׃ |
156 Misericordiae tuae multae Domine: secundum iudicium tuum vivifica me.
| רחמיך רבים יהוה כמשפטיך חיני׃ |
157 Multi qui persequuntur me, et tribulant me: a testimoniis tuis non declinavi.
| רבים רדפי וצרי מעדותיך לא נטיתי׃ |
158 Vidi praevaricantes, et tabescebam: quia eloquia tua non custodierunt.
| ראיתי בגדים ואתקוטטה אשר אמרתך לא שמרו׃ |
159 Vide quoniam mandata tua dilexi Domine: in misericordia tua vivifica me.
| ראה כי פקודיך אהבתי יהוה כחסדך חיני׃ |
160 Principium verborum tuorum, veritas: in aeternum omnia iudicia iustitiae tuae.
| ראש דברך אמת ולעולם כל משפט צדקך׃ |
161 SIN. Principes persecuti sunt me gratis: et a verbis tuis formidavit cor meum.
| שרים רדפוני חנם ומדבריך פחד לבי׃ |
162 Laetabor ego super eloquia tua: sicut qui invenit spolia multa.
| שש אנכי על אמרתך כמוצא שלל רב׃ |
163 Iniquitatem odio habui, et abominatus sum: legem autem tuam dilexi.
| שקר שנאתי ואתעבה תורתך אהבתי׃ |
164 Septies in die laudem dixi tibi, super iudicia iustitiae tuae.
| שבע ביום הללתיך על משפטי צדקך׃ |
165 Pax multa diligentibus legem tuam: et non est illis scandalum.
| שלום רב לאהבי תורתך ואין למו מכשול׃ |
166 Expectabam salutare tuum Domine: et mandata tua dilexi.
| שברתי לישועתך יהוה ומצותיך עשיתי׃ |
167 Custodivit anima mea testimonia tua: et dilexit ea vehementer.
| שמרה נפשי עדתיך ואהבם מאד׃ |
168 Servavi mandata tua, et testimonia tua: quia omnes viae meae in conspectu tuo.
| שמרתי פקודיך ועדתיך כי כל דרכי נגדך׃ |
169 TAU. Appropinquet deprecatio mea in conspectu tuo Domine: iuxta eloquium tuum da mihi intellectum.
| תקרב רנתי לפניך יהוה כדברך הבינני׃ |
170 Intret postulatio mea in conspectu tuo: secundum eloquium tuum eripe me.
| תבוא תחנתי לפניך כאמרתך הצילני׃ |
171 Eructabunt labia mea hymnum, cum docueris me iustificationes tuas.
| תבענה שפתי תהלה כי תלמדני חקיך׃ |
172 Pronunciabit lingua mea eloquium tuum: quia omnia mandata tua aequitas.
| תען לשוני אמרתך כי כל מצותיך צדק׃ |
173 Fiat manus tua ut salvet me: quoniam mandata tua elegi.
| תהי ידך לעזרני כי פקודיך בחרתי׃ |
174 Concupivi salutare tuum Domine: et lex tua meditatio mea est.
| תאבתי לישועתך יהוה ותורתך שעשעי׃ |
175 Vivet anima mea, et laudabit te: et iudicia tua adiuvabunt me.
| תחי נפשי ותהללך ומשפטך יעזרני׃ |
176 Erravi, sicut ovis, quae periit: quaere servum tuum, quia mandata tua non sum oblitus.
| תעיתי כשה אבד בקש עבדך כי מצותיך לא שכחתי׃ |
