Psalmorum 112

1 Alleluia, conversio Aggaei, et Zachariae. Beatus vir, qui timet Dominum: in mandatis eius volet nimis.

Alleluia. Reversionis Aggæi, et Zachariæ. Beatus vir, qui timet Dominum: in mandatis eius volet nimis.

2 Potens in terra erit semen eius: generatio rectorum benedicetur.

Potens in terra erit semen eius: generatio rectorum benedicetur.

3 Gloria, et divitiae in domo eius: et iustitia eius manet in saeculum saeculi.

Gloria, et divitiæ in domo eius: et iustitia eius manet in sæculum sæculi.

4 Exortum est in tenebris lumen rectis: misericors, et miserator, et iustus.

Exortum est in tenebris lumen rectis: misericors, et miserator, et iustus.

5 Iucundus homo qui miseretur et commodat, disponet sermones suos in iudicio:

Iucundus homo qui miseretur et commodat, disponet sermones suos in iudicio:

6 quia in aeternum non commovebitur.

quia in æternum non commovebitur.

7 In memoria aeterna erit iustus: ab auditione mala non timebit. Paratum cor eius sperare in Domino,

In memoria æterna erit iustus: ab auditione mala non timebit. Paratum cor eius sperare in Domino,

8 confirmatum est cor eius: non commovebitur donec despiciat inimicos suos.

confirmatum est cor eius: non commovebitur donec despiciat inimicos suos.

9 Dispersit, dedit pauperibus: iustitia eius manet in saeculum saeculi, cornu eius exaltabitur in gloria.

Dispersit, dedit pauperibus: iustitia eius manet in sæculum sæculi, cornu eius exaltabitur in gloria.

10 Peccator videbit, et irascetur, dentibus suis fremet et tabescet: desiderium peccatorum peribit.

Peccator videbit, et irascetur, dentibus suis fremet et tabescet: desiderium peccatorum peribit.