Proverbiorum 19
1 Melior est pauper, qui ambulat in simplicitate sua, quam dives torquens labia sua, et insipiens.
Betere is a pore man, that goith in his simplenesse, than a riche man bitynge hise lippis, and vnwijs.
2 Ubi non est scientia animae, non est bonum: et qui festinus est pedibus, offendet.
Where is not kunnyng of the soule, is not good; and he that is hasti, in feet hirtith.
3 Stultitia hominis supplantat gressus eius: et contra Deum fervet animo suo.
The foli of a man disseyueth hise steppis; and he brenneth in his soule ayens God.
4 Divitiae addunt amicos plurimos: a paupere autem et hi, quos habuit, separantur.
Richessis encreessen ful many freendis; forsothe also thei ben departid fro a pore man, whiche he hadde.
5 Testis falsus non erit impunitus: et qui mendacia loquitur, non effugiet.
A fals witnesse schal not be vnpunyschid; and he that spekith leesingis, schal not ascape.
6 Multi colunt personam potentis, et amici sunt dona tribuentis.
Many men onouren the persoone of a myyti man; and ben frendis of hym that deelith yiftis.
7 Fratres hominis pauperis oderunt eum: insuper et amici procul recesserunt ab eo. Qui tantum verba sectatur, nihil habebit:
The britheren of a pore man haten hym; ferthermore and the freendis yeden awei fer fro hym. He that sueth wordis oonli, schal haue no thing;
8 qui autem possessor est mentis, diligit animam suam, et custos prudentiae inveniet bona.
but he that holdith stabli the mynde, loueth his soule, and the kepere of prudence schal fynde goodis.
9 Falsus testis non erit impunitus: et qui loquitur mendacia, peribit.
A fals witnesse schal not be vnpunyschid; and he that spekith leesyngis, schal perische.
10 Non decent stultum deliciae: nec servum dominari principibus.
Delices bicomen not a fool; nether `it bicometh a seruaunt to be lord of princes.
11 Doctrina viri per patientiam noscitur: et gloria eius est iniqua praetergredi.
The teching of a man is knowun bi pacience; and his glorie is to passe ouere wickid thingis.
12 Sicut fremitus leonis, ita et regis ira: et sicut ros super herbam, ita et hilaritas eius.
As the gnasting of a lioun, so and the ire of the king; and as deewe on eerbe, so and the gladnesse of the kyng.
13 Dolor patris, filius stultus: et tecta iugiter perstillantia, litigiosa mulier.
The sorewe of the fadir is a fonned sone; and roofes droppynge contynueli is a womman ful of chiding.
14 Domus, et divitiae dantur a parentibus: a Domino autem proprie uxor prudens.
Housis and richessis ben youun of fadir and modir; but a prudent wijf is youun propirli of the Lord.
15 Pigredo immittit soporem, et anima dissoluta esuriet.
Slouth bringith in sleep; and a negligent soule schal haue hungur.
16 Qui custodit mandatum, custodit animam suam: qui autem negligit viam suam, mortificabitur.
He that kepith the comaundement of God, kepith his soule; but he that chargith not his weie, schal be slayn.
17 Foeneratur Domino qui miseretur pauperis: et vicissitudinem suam reddet ei.
He that hath mercy on a pore man, leeneth to the Lord; and he schal yelde his while to hym.
18 Erudi filium tuum, ne desperes: ad interfectionem autem eius ne ponas animam tuam.
Teche thi sone, and dispeire thou not; but sette thou not thi soule to the sleyng of hym.
19 Qui impatiens est, sustinebit damnum: et cum rapuerit, aliud apponet.
Forsothe he that is vnpacient, schal suffre harm; and whanne he hath rauyschid, he schal leie to anothir thing.
20 Audi consilium, et suscipe disciplinam, ut sis sapiens in novissimis tuis.
Here thou counsel, and take thou doctryn; that thou be wijs in thi laste thingis.
21 Multae cogitationes in corde viri: voluntas autem Domini permanebit.
Many thouytis ben in the herte of a man; but the wille of the Lord schal dwelle.
22 Homo indigens misericors est: et melior est pauper quam vir mendax.
A nedi man is merciful; and betere is a pore iust man, than a man liere.
23 Timor Domini ad vitam: et in plenitudine commorabitur, absque visitatione pessimi.
The drede of the Lord ledith to lijf `of blis; and he `that dredith God schal dwelle in plentee, with outen visityng `of the worste.
24 Abscondit piger manum suam sub ascella, nec ad os suum applicat eam.
A slow man hidith his hond vndur the armpit; and putteth it not to his mouth.
25 Pestilente flagellato stultus sapientior erit: si autem corripueris sapientem, intelliget disciplinam.
Whanne a man ful of pestilence is betun, a fool schal be wisere. If thou blamist a wijs man, he schal vndurstonde techyng.
26 Qui affligit patrem, et fugit matrem, ignominiosus est et infelix.
He that turmentith the fadir, and fleeth fro the modir, schal be ful of yuel fame, and schal be cursid.
27 Non cesses fili audire doctrinam, nec ignores sermones scientiae.
Sone, ceesse thou not to here techyng; and knowe thou the wordis of kunnyng.
28 Testis iniquus deridet iudicium: et os impiorum devorat iniquitatem.
A wickid witnesse scorneth doom; and the mouth of vnpitouse men deuourith wickidnesse.
29 Parata sunt derisoribus iudicia: et mallei percutientes stultorum corporibus.
Domes ben maad redi to scorneris; and hameris smytynge ben maad redi to the bodies of foolis.
