Liber Numeri 29
1 Mensis etiam septimi prima dies venerabilis et sancta erit vobis. omne opus servile non facietis in ea, quia dies clangoris est et tubarum.
Mensis etiam septimi prima dies venerabilis et sancta erit vobis. Omne opus servile non facietis in ea, quia dies clangoris est et tubarum.
2 Offeretisque holocaustum in odorem suavissimum Domino, vitulum de armento unum, arietem unum, et agnos anniculos immaculatos septem:
Offeretisque holocaustum in odorem suavissimum Domino, vitulum de armento unum, arietem unum, et agnos anniculos immaculatos septem:
3 et in sacrificiis eorum similae oleo conspersae tres decimas per singulos vitulos, duas decimas per arietem,
et in sacrificiis eorum, similæ oleo conspersæ tres decimas per singulos vitulos, duas decimas per arietem,
4 unam decimam per agnum, qui simul sunt agni septem:
unam decimam per agnum, qui simul sunt agni septem:
5 et hircum pro peccato, qui offertur in expiationem populi,
et hircum pro peccato, qui offertur in expiationem populi,
6 praeter holocaustum calendarum cum sacrificiis suis, et holocaustum sempiternum cum libationibus solitis. eisdem ceremoniis offeretis in odorem suavissimum incensum Domino.
præter holocaustum calendarum cum sacrificiis suis, et holocaustum sempiternum cum libationibus solitis: eisdem cæremoniis offeretis in odorem suavissimum incensum Domino.
7 Decima quoque dies mensis huius septimi erit vobis sancta atque venerabilis, et affligetis animas vestras: omne opus servile non facietis in ea.
Decima quoque dies mensis hujus septimi erit vobis sancta atque venerabilis, et affligetis animas vestras: omne opus servile non facietis in ea.
8 Offeretisque holocaustum Domino in odorem suavissimum, vitulum de armento unum, arietem unum, agnos anniculos immaculatos septem:
Offeretisque holocaustum Domino in odorem suavissimum, vitulum de armento unum, arietem unum, agnos anniculos immaculatos septem:
9 et in sacrificiis eorum similae oleo conspersae tres decimas per singulos vitulos, duas decimas per arietem,
et in sacrificiis eorum similæ oleo conspersæ tres decimas per singulos vitulos, duas decimas per arietem,
10 decimam decimae per agnos singulos, qui sunt simul agni septem:
decimam decimæ per agnos singulos, qui sunt simul agni septem:
11 et hircum pro peccato, absque his quae offerri pro delicto solent in expiationem, et holocaustum sempiternum, cum sacrificio et libaminibus eorum.
et hircum pro peccato, absque his quæ offerri pro delicto solent in expiationem, et holocaustum sempiternum, cum sacrificio et libaminibus eorum.
12 Quintadecima vero die mensis septimi, quae vobis sancta erit atque venerabilis, omne opus servile non facietis in ea, sed celebrabitis sollemnitatem Domino septem diebus.
Quintadecima vero die mensis septimi, quæ vobis sancta erit atque venerabilis, omne opus servile non facietis in ea, sed celebrabitis solemnitatem Domino septem diebus.
13 offeretisque holocaustum in odorem suavissimum Domino, vitulos de armento tredecim, arietes duos, agnos anniculos immaculatos quattuordecim:
Offeretisque holocaustum in odorem suavissimum Domino, vitulos de armento tredecim, arietes duos, agnos anniculos immaculatos quatuordecim:
14 et in libamentis eorum similae oleo conspersae tres decimas per vitulos singulos, qui sunt simul vituli tredecim: et duas decimas arieti uno, id est, simul arietibus duobus,
et in libamentis eorum, similæ oleo conspersæ tres decimas per vitulos singulos, qui sunt simul vituli tredecim, et duas decimas arieti uno, id est, simul arietibus duobus,
15 et decimam decimae agnis singulis, qui sunt simul agni quattuordecim:
et decimam decimæ agnis singulis, qui sunt simul agni quatuordecim:
16 et hircum pro peccato, absque holocausto sempiterno, et sacrificio, et libamine eius.
et hircum pro peccato, absque holocausto sempiterno, et sacrificio, et libamine ejus.
17 In die altero offeretis vitulos de armento duodecim, arietes duos, agnos anniculos immaculatos quattuordecim:
In die altero offeretis vitulos de armento duodecim, arietes duos, agnos anniculos immaculatos quatuordecim:
18 sacrificiaque et libamina singulorum per vitulos et arietes et agnos rite celebrabitis:
sacrificiaque et libamina singulorum, per vitulos, et arietes, et agnos rite celebrabitis:
19 et hircum pro peccato, absque holocausto sempiterno, sacrificioque et libamine eius.
et hircum pro peccato, absque holocausto sempiterno, sacrificioque et libamine ejus.
20 Die tertio offeretis vitulos undecim, arietes duos, agnos anniculos immaculatos quattuordecim:
Die tertio offeretis vitulos undecim, arietes duos, agnos anniculos immaculatos quatuordecim:
21 sacrificiaque et libamina singulorum per vitulos et arietes et agnos rite celebrabitis:
sacrificiaque et libamina singulorum, per vitulos, et arietes, et agnos rite celebrabitis:
22 et hircum pro peccato, absque holocausto sempiterno, sacrificioque et libamine eius.
et hircum pro peccato, absque holocausto sempiterno, sacrificioque et libamine ejus.
23 Die quarto offeretis vitulos decem, arietes duos, agnos anniculos immaculatos quattuordecim:
Die quarto offeretis vitulos decem, arietes duos, agnos anniculos immaculatos quatuordecim:
24 sacrificiaque et libamina singulorum per vitulos et arietes et agnos rite celebrabitis:
sacrificiaque et libamina singulorum, per vitulos, et arietes, et agnos rite celebrabitis:
25 et hircum pro peccato, absque holocausto sempiterno, sacrificioque eius et libamine.
et hircum pro peccato, absque holocausto sempiterno, sacrificioque ejus et libamine.
26 Die quinto offeretis vitulos novem, arietes duos, agnos anniculos immaculatos quattuordecim:
Die quinto offeretis vitulos novem, arietes duos, agnos anniculos immaculatos quatuordecim:
27 sacrificiaque et libamina singulorum per vitulos et arietes et agnos rite celebrabitis:
sacrificiaque et libamina singulorum, per vitulos, et arietes, et agnos rite celebrabitis:
28 et hircum pro peccato, absque holocausto sempiterno, sacrificioque eius et libamine.
et hircum pro peccato, absque holocausto sempiterno, sacrificioque ejus et libamine.
29 Die sexto offeretis vitulos octo, arietes duos, agnos anniculos immaculatos quattuordecim:
Die sexto offeretis vitulos octo, arietes duos, agnos anniculos immaculatos quatuordecim:
30 sacrificiaque et libamina singulorum per vitulos et arietes et agnos rite celebrabitis:
sacrificiaque et libamina singulorum, per vitulos, et arietes, et agnos rite celebrabitis:
31 et hircum pro peccato, absque holocausto sempiterno, sacrificioque eius et libamine.
et hircum pro peccato, absque holocausto sempiterno, sacrificioque ejus et libamine.
32 Die septimo offeretis vitulos septem, et arietes duos, agnos anniculos immaculatos quattuordecim:
Die septimo offeretis vitulos septem, et arietes duos, agnos anniculos immaculatos quatuordecim:
33 sacrificiaque et libamina singulorum per vitulos et arietes et agnos rite celebrabitis:
sacrificiaque et libamina singulorum, per vitulos, et arietes, et agnos rite celebrabitis:
34 et hircum pro peccato, absque holocausto sempiterno, sacrificioque eius et libamine.
et hircum pro peccato, absque holocausto sempiterno, sacrificioque ejus et libamine.
35 Die octavo, qui est celeberrimus, omne opus servile non facietis,
Die octavo, qui est celeberrimus, omne opus servile non facietis,
36 offerentes holocaustum in odorem suavissimum Domino, vitulum unum, arietem unum, agnos anniculos immaculatos septem:
offerentes holocaustum in odorem suavissimum Domino, vitulum unum, arietem unum, agnos anniculos immaculatos septem:
37 sacrificiaque et libamina singulorum per vitulos et arietes et agnos rite celebrabitis:
sacrificiaque et libamina singulorum, per vitulos, et arietes, et agnos rite celebrabitis:
38 et hircum pro peccato, absque holocausto sempiterno, sacrificioque eius et libamine.
et hircum pro peccato, absque holocausto sempiterno, sacrificioque ejus et libamine.
39 Haec offeretis Domino in sollemnitatibus vestris: praeter vota et oblationes spontaneas in holocausto, in sacrificio, in libamine, et in hostiis pacificis.
Hæc offeretis Domino in solemnitatibus vestris: præter vota et oblationes spontaneas in holocausto, in sacrificio, in libamine, et in hostiis pacificis.
40 Narravitque Moyses filiis Israel omnia quae ei Dominus imperarat:
Narravitque Moyses filiis Israël omnia quæ ei Dominus imperarat.
