Lamentationes 3
1 ALEPH. Ego vir videns paupertatem meam in virga indignationis eius.
Ego vir videns paupertatem meam in virga indignationis ejus.
2 ALEPH. Me minavit, et adduxit in tenebras, et non in lucem.
Me minavit, et adduxit in tenebras, et non in lucem.
3 ALEPH. Tantum in me vertit, et convertit manum suam tota die.
Tantum in me vertit et convertit manum suam tota die.
4 BETH. Vetustam fecit pellem meam, et carnem meam, contrivit ossa mea.
Vetustam fecit pellem meam et carnem meam; contrivit ossa mea.
5 BETH. Aedificavit in gyro meo, et circumdedit me felle, et labore.
Ædificavit in gyro meo, et circumdedit me felle et labore.
6 BETH. In tenebrosis collocavit me, quasi mortuos sempiternos.
In tenebrosis collocavit me, quasi mortuos sempiternos.
7 GHIMEL. Circumaedificavit adversum me, ut non egrediar: aggravavit compedem meum.
Circumædificavit adversum me, ut non egrediar; aggravavit compedem meum.
8 GHIMEL. Sed et cum clamavero, et rogavero, exclusit orationem meam.
Sed et cum clamavero, et rogavero, exclusit orationem meam.
9 GHIMEL. Conclusit vias meas lapidibus quadris, semitas meas subvertit.
Conclusit vias meas lapidibus quadris; semitas meas subvertit.
10 DALETH. Ursus insidians factus est mihi: leo in absconditis.
Ursus insidians factus est mihi, leo in absconditis.
11 DALETH. Semitas meas subvertit, et confregit me: posuit me desolatam.
Semitas meas subvertit, et confregit me; posuit me desolatam.
12 DALETH. Tetendit arcum suum, et posuit me quasi signum ad sagittam.
Tetendit arcum suum, et posuit me quasi signum ad sagittam.
13 HE. Misit in renibus meis filias pharetrae suae.
Misit in renibus meis filias pharetræ suæ.
14 HE. Factus sum in derisum omni populo meo, canticum eorum tota die.
Factus sum in derisum omni populo meo, canticum eorum tota die.
15 HE. Replevit me amaritudinibus, inebriavit me absynthio.
Replevit me amaritudinibus; inebriavit me absinthio.
16 VAU. Et fregit ad numerum dentes meos, cibavit me cinere.
Et fregit ad numerum dentes meos; cibavit me cinere.
17 VAU. Et repulsa est a pace anima mea, oblitus sum bonorum.
Et repulsa est a pace anima mea; oblitus sum bonorum.
18 VAU. Et dixi: Periit finis meus, et spes mea a Domino.
Et dixi: Periit finis meus, et spes mea a Domino.
19 ZAIN. Recordare paupertatis, et transgressionis meae, absinthii, et fellis.
Recordare paupertatis, et transgressionis meæ, absinthii et fellis.
20 ZAIN. Memoria memor ero, et tabescet in me anima mea.
Memoria memor ero, et tabescet in me anima mea.
21 ZAIN. Haec recolens in corde meo, ideo sperabo.
Hæc recolens in corde meo, ideo sperabo.
22 HETH. Misericordiae Domini quia non sumus consumpti: quia non defecerunt miserationes eius.
Misericordiæ Domini, quia non sumus consumpti; quia non defecerunt miserationes ejus.
23 HETH. Novi diluculo, multa est fides tua.
Novi diluculo, multa est fides tua.
24 HETH. Pars mea Dominus, dixit anima mea: propterea expectabo eum.
Pars mea Dominus, dixit anima mea; propterea exspectabo eum.
25 TETH. Bonus est Dominus sperantibus in eum, animae quaerenti illum.
Bonus est Dominus sperantibus in eum, animæ quærenti illum.
26 TETH. Bonum est praestolari cum silentio salutare Dei.
Bonum est præstolari cum silentio salutare Dei.
27 TETH. Bonum est viro, cum portaverit iugum ab adolescentia sua.
Bonum est viro cum portaverit jugum ab adolescentia sua.
28 IOD. Sedebit solitarius, et tacebit: quia levavit se super se.
Sedebit solitarius, et tacebit, quia levavit super se.
29 IOD. Ponet in pulvere os suum, si forte sit spes.
Ponet in pulvere os suum, si forte sit spes.
30 IOD. Dabit percutienti se maxillam, saturabitur opprobriis.
Dabit percutienti se maxillam: saturabitur opprobriis.
31 CAPH. Quia non repellet in sempiternum Dominus.
Quia non repellet in sempiternum Dominus.
32 CAPH. Quia si abiecit, miserebitur secundum multitudinem misericordiarum suarum.
Quia si abjecit, et miserebitur, secundum multitudinem misericordiarum suarum.
33 CAPH. Non enim humiliavit ex corde suo, et abiecit filios hominum,
Non enim humiliavit ex corde suo et abjecit filios hominum.
34 LAMED. Ut conteret sub pedibus suis omnes vinctos terrae,
Ut conteret sub pedibus suis omnes vinctos terræ.
35 LAMED. Ut declinaret iudicium viri in conspectu vultus Altissimi.
Ut declinaret judicium viri in conspectu vultus Altissimi.
36 LAMED. Ut perverteret hominem in iudicio suo, Dominus ignoravit.
Ut perverteret hominem in judicio suo; Dominus ignoravit.
37 MEM. Quis est iste, qui dixit ut fieret, Domino non iubente?
Quis est iste qui dixit ut fieret, Domino non jubente?
38 MEM. Ex ore Altissimi non egredientur nec mala nec bona?
Ex ore Altissimi non egredientur nec mala nec bona?
39 MEM. Quid murmuravit homo vivens, vir pro peccatis suis?
Quid murmuravit homo vivens, vir pro peccatis suis?
40 NUN. Scrutemur vias nostras, et quaeramus, et revertamur ad Dominum.
Scrutemur vias nostras, et quæramus, et revertamur ad Dominum.
41 NUN. Levemus corda nostra cum manibus ad Dominum in caelos.
Levemus corda nostra cum manibus ad Dominum in cælos.
42 NUN. Nos inique egimus, et ad iracundiam provocavimus: idcirco tu inexorabilis es.
Nos inique egimus, et ad iracundiam provocavimus; idcirco tu inexorabilis es.
43 SAMECH. Operuisti in furore, et percussisti nos: occidisti, nec pepercisti.
Operuisti in furore, et percussisti nos; occidisti, nec pepercisti.
44 SAMECH. Opposuisti nubem tibi, ne transeat oratio.
Opposuisti nubem tibi, ne transeat oratio.
45 SAMECH. Eradicationem, et abiectionem posuisti me in medio populorum.
Eradicationem et abjectionem posuisti me in medio populorum.
46 PHE. Aperuerunt super nos os suum omnes inimici.
Aperuerunt super nos os suum omnes inimici.
47 PHE. Formido, et laqueus facta est nobis vaticinatio, et contritio.
Formido et laqueus facta est nobis vaticinatio, et contritio.
48 PHE. Divisiones aquarum deduxit oculus meus, in contritione filiae populi mei.
Divisiones aquarum deduxit oculus meus, in contritione filiæ populi mei.
49 AIN. Oculus meus afflictus est, nec tacuit, eo quod non esset requies,
Oculus meus afflictus est, nec tacuit, eo quod non esset requies.
50 AIN. Donec respiceret et videret Dominus de caelis.
Donec respiceret et videret Dominus de cælis.
51 AIN. Oculus meus depraedatus est animam meam in cunctis filiabus urbis meae.
Oculus meus deprædatus est animam meam in cunctis filiabus urbis meæ.
52 SADE. Venatione ceperunt me quasi avem inimici mei gratis.
Venatione ceperunt me quasi avem inimici mei gratis.
53 SADE. Lapsa est in lacum vita mea, et posuerunt lapidem super me.
Lapsa est in lacum vita mea, et posuerunt lapidem super me.
54 SADE. Inundaverunt aquae super caput meum: dixi: Perii.
Inundaverunt aquæ super caput meum; dixi: Perii.
55 COPH. Invocavi nomen tuum Domine de lacu novissimo.
Invocavi nomen tuum, Domine, de lacu novissimo.
56 COPH. Vocem meam audisti: ne avertas aurem tuam a singultu meo, et clamoribus.
Vocem meam audisti; ne avertas aurem tuam a singultu meo et clamoribus.
57 COPH. Appropinquasti in die, quando invocavi te: dixisti: Ne timeas.
Appropinquasti in die quando invocavi te; dixisti: Ne timeas.
58 RES. Iudicasti Domine causam animae meae, redemptor vitae meae.
Judicasti, Domine, causam animæ meæ, redemptor vitæ meæ.
59 RES. Vidisti Domine iniquitatem illorum adversum me: iudica iudicium meum.
Vidisti, Domine, iniquitatem illorum adversum me: judica judicium meum.
60 RES. Vidisti omnem furorem, universas cogitationes eorum adversum me.
Vidisti omnem furorem, universas cogitationes eorum adversum me.
61 SIN. Audisti opprobrium eorum Domine, omnes cogitationes eorum adversum me:
Audisti opprobrium eorum, Domine, omnes cogitationes eorum adversum me.
62 SIN. Labia insurgentium mihi; et meditationes eorum adversum me tota die.
Labia insurgentium mihi, et meditationes eorum adversum me tota die.
63 SIN. Sessionem eorum, et resurrectionem eorum vide, ego sum psalmus eorum.
Sessionem eorum et resurrectionem eorum vide; ego sum psalmus eorum.
64 THAU. Redes eis vicem Domine iuxta opera manuum suarum.
Redes eis vicem, Domine, juxta opera manuum suarum.
65 THAU. Dabis eis scutum cordis laborem tuum.
Dabis eis scutum cordis, laborem tuum.
66 THAU. Persequeris in furore, et conteres eos sub caelis Domine.
Persequeris in furore, et conteres eos sub cælis, Domine.
