Iosue 12

1 Hi sunt reges, quos percusserunt filii Israel, et possederunt Terram eorum trans Iordanem ad solis ortum, a torrente Arnon usque ad montem Hermon, et omnem Orientalem plagam, quae respicit solitudinem.

Hi sunt reges, quos percusserunt filii Israel, et possederunt Terram eorum trans Iordanem ad solis ortum, a torrente Arnon usque ad montem Hermon, et omnem Orientalem plagam, quæ respicit solitudinem.

2 Sehon rex Amorrhaeorum, qui habitavit in Hesebon, dominatus est ab Aroer, quae sita est super ripam torrentis Arnon, et mediae partis in valle, dimidiaeque Galaad, usque ad torrentem Ieboc, qui est terminus filiorum Ammon.

Sehon rex Amorrhæorum, qui habitavit in Hesebon, dominatus est ab Aroer, quæ sita est super ripam torrentis Arnon, et mediæ partis in valle, dimidiæque Galaad, usque ad torrentem Iaboc, qui est terminus filiorum Ammon.

3 et a solitudine usque ad Mare Ceneroth contra Orientem, et usque ad Mare deserti, quod est mare salsissimum, ad Orientalem plagam per viam quae ducit Bethsimoth: et ab australi parte, quae subiacet Asedoth, Phasga.

Et a solitudine usque ad Mare Ceneroth contra Orientem, et usque ad Mare deserti, quod est mare salsissimum, ad Orientalem plagam per viam quæ ducit Bethsimoth: et ab australi parte, quæ subiacet Asedoth, Phasga.

4 Terminus Og regis Basan, de reliquiis Raphaim, qui habitavit in Astaroth, et in Edrai, et dominatus est in monte Hermon, et in Salecha, atque in universa Basan, usque ad terminos

Terminus Og regis Basan, de reliquiis Raphaim, qui habitavit in Astaroth, et in Edrai, et dominatus est in monte Hermon, et in Salecha, atque in universa Basan, usque ad terminos

5 Gessuri, et Machati, et dimidiae partis Galaad: terminos Sehon regis Hesebon.

Gessuri, et Machati, et dimidiæ partis Galaad: terminos Sehon regis Hesebon.

6 Moyses famulus Domini, et filii Israel percusserunt eos, tradiditque Terram eorum Moyses in possessionem Rubenitis, et Gaditis, et dimidiae tribui Manasse.

Moyses famulus Domini, et filii Israel percusserunt eos, tradiditque Terram eorum Moyses in possessionem Rubenitis, et Gaditis, et dimidiæ tribui Manasse.

7 Hi sunt reges Terrae, quos percussit Iosue et filii Israel trans Iordanem ad Occidentalem plagam, a Baalgad in campo Libani, usque ad montem, cuius pars ascendit in Seir: tradiditque eam Iosue in possessionem tribubus Israel, singulis partes suas,

Hi sunt reges Terræ, quos percussit Iosue et filii Israel trans Iordanem ad Occidentalem plagam, a Baalgad in campo Libani, usque ad montem, cuius pars ascendit in Seir: tradiditque eam Iosue in possessionem tribubus Israel, singulis partes suas,

8 tam in montanis quam in planis atque campestribus. In Aseroth, et in solitudine, ac in meridie Hethaeus fuit et Amorrhaeus, Chananaeus et Pherezaeus, Hevaeus et Iebusaeus.

tam in montanis quam in planis atque campestribus. In Asedoth, et in solitudine, ac in meridie Hethæus fuit et Amorrhæus, Chananæus et Pherezæus, Hevæus et Iebusæus.

9 Rex Iericho unus: rex Hai, quae est ex latere Bethel, unus:

Rex Iericho unus: rex Hai, quæ est ex latere Bethel, unus:

10 rex Ierusalem unus, rex Hebron unus,

rex Ierusalem unus, rex Hebron unus,

11 rex Ierimoth unus, rex Lachis unus,

rex Ierimoth unus, rex Lachis unus,

12 rex Eglon unus, rex Gazer unus,

rex Eglon unus, rex Gazer unus,

13 rex Dabir unus, rex Gader unus,

rex Dabir unus, rex Gader unus,

14 rex Herma unus, rex Hered unus,

rex Herma unus, rex Hered unus,

15 rex Lebna unus, rex Adullam unus,

rex Lebna unus, rex Odullam unus,

16 rex Maceda unus, rex Bethel unus,

rex Maceda unus, rex Bethel unus,

17 rex Taphua unus, rex Opher unus,

rex Taphua unus, rex Opher unus,

18 rex Aphec unus, rex Saron unus,

rex Aphec unus, rex Saron unus,

19 rex Madon unus, rex Asor unus,

rex Madon unus, rex Asor unus,

20 rex Semeron unus, rex Achsaph unus,

rex Semeron unus, rex Achsaph unus,

21 rex Thenac unus, rex Mageddo unus,

rex Thenac unus, rex Mageddo unus,

22 rex Cades unus, rex Iachanan Carmeli unus,

rex Cades unus, rex Iachanan Carmeli unus,

23 rex Dor, et provinciae Dor unus, rex Gentium Galgal unus,

rex Dor, et provinciæ Dor unus, rex gentium Galgal unus,

24 rex Thersa unus: omnes reges triginta unus.

rex Thersa unus: omnes reges triginta unus.