Timotheum I 4
1 Spiritus autem manifeste dicit, quia in novissimis temporibus discedent quidam a fide, attendentes spiritibus erroris, et doctrinis daemoniorum,
ମଡ଼ିର୍ ପୁରାଡ଼ାନ୍ ରେୟ୍ଲଙ୍ ବର୍ତନେ, ଇର୍ସେ ପୁରାଡ଼ାନ୍ ଆ କଣ୍ଡାୟ୍ ଞନଙ୍ଲୋଙନ୍ ମଗାଡ୍ଲେ ଲାଙ୍ଲେଡ୍ ମନ୍ରାଞ୍ଜି କ୍ରିସ୍ଟନ୍ ଆମଙ୍ ଡର୍ନେନ୍ ସିଲଡ୍ ସାୟ୍ତଜି ।
2 in hypocrisi loquentium mendacium, et cauteriatam habentium suam conscientiam,
ଲାଙ୍ଲେଡ୍ ପାତ୍ୟାମରଞ୍ଜି ଏନ୍ନେଗନ୍ ଞନଙନ୍ ତିୟ୍ତଜି, ତି ଆ ମନ୍ରାଜି ଆ ବିବେକ ଜୋମ୍ତୋଡ୍ଲେ କୋମାବନ୍ ଗଡେଲେନ୍ ।
3 prohibentium nubere, et abstinere a cibis, quod Deus creavit ad percipiendum cum gratiarum actione fidelibus, et iis, qui cognoverunt veritatem.
ଆନିଞ୍ଜି ଅଃବ୍ବିବାନେବୋ ଗାମ୍ତଜି, ଆରି ଏର୍ଜାଡ଼ିକାନ୍ ଆ ଜନୋମ୍ଜୋମ୍ଜି ଅଃଜ୍ଜୋମ୍ବୋ ଗାମ୍ଲେ ଆନିଞ୍ଜି ବର୍ତଞ୍ଜି, ବନ୍ଡ ଅଙ୍ଗା ମନ୍ରାଜି କ୍ରିସ୍ଟନ୍ ଆମଙ୍ ଡର୍ତଞ୍ଜି ଆରି ଆଜାଡ଼ିନ୍ ଜନାଏଞ୍ଜି ଇସ୍ୱରନ୍ ଆଗ୍ରବ୍ଡେଲେନ୍ ଅଡ଼୍କୋନ୍ ଆ ଜନୋମ୍ଜୋମ୍ଜି ଆସନ୍ ଆନିନ୍ଆଡଙ୍ ସେଙ୍କେଡାଲେ ତିଆତେ ଇନ୍ନିଙ୍ ଏର୍ନିଃୟମନ୍ ଜୋମ୍ଲେ ରପ୍ତିତଜି ।
4 Quia omnis creatura Dei bona est, et nihil reiiciendum quod cum gratiarum actione percipitur:
ଇନିଆସନ୍ଗାମେଣ୍ଡେନ୍ ଇସ୍ୱରନ୍ ଇନିଜି ଗବ୍ଡେଲେନ୍ ତିଆତେ ଅଡ଼୍କୋନ୍ ମନଙ୍; ତେତ୍ତେଲୋଙ୍ ସିଲଡ୍ ଅନ୍ନିଙ୍ଆତେ ଆବନାସେ ତଡ୍, ଇସ୍ୱରନ୍ଆଡଙ୍ ସେଙ୍କେଲେ ଅଡ଼୍କୋନ୍ ଆ ତନିୟ୍ତିୟଞ୍ଜି ସର୍ଡାନ୍ ବାତ୍ତେ ଜନାଜାନ୍ ଡେଏତୋ ।
5 sanctificatur enim per verbum Dei, et orationem.
ଇସ୍ୱରନ୍ ଆମଙ୍ ପାର୍ତନାନ୍ ବାତ୍ତେ ଅଡ଼୍କୋନ୍ ମଡ଼ିର୍ ଡେତେ ।
6 Haec proponens fratribus, bonus eris minister Christi Iesu enutritus verbis fidei, et bonae doctrinae, quam assecutus es.
କେନ୍ ଅଡ଼୍କୋନ୍ ଆ ବର୍ନେ ଆମନ୍ଆଡଙ୍ ଆସ୍ରଣ୍ଡୋଙ୍ତମଞ୍ଜି ଆ ଡର୍ନେମର୍ଜିଆଡଙ୍ ଞନଙନ୍ ତିୟାଜି, ଏତ୍ତେଲ୍ଡେନ୍ ଆମନ୍ କ୍ରିସ୍ଟ ଜିସୁନ୍ ଆମଙ୍ ମନଙ୍ ଞଙ୍ନେମର୍ ଡେତମ୍ ।
7 Ineptas autem, et aniles fabulas devita: exerce autem teipsum ad pietatem.
ବନ୍ଡ ବୁଡିକୋଜଞ୍ଜି ଆବର୍ତନେଞ୍ଜି ପୁର୍ବାବରଞ୍ଜି ଅଡ଼୍କୋନ୍ ଅମ୍ରେଙ୍ବା, ଡରମ୍ମ ଅନମେଙ୍ବେନ୍ ରନବ୍ଡୋନ୍ ଆସନ୍ ଞଙ୍ନାବା ।
8 Nam corporalis exercitatio, ad modicum utilis est: pietas autem ad omnia utilis est, promissionem habens vitae, quae nunc est, et futurae.
ଇନିଆସନ୍ଗାମେଣ୍ଡେନ୍ ଡଅଙନ୍ ଆସନ୍ ଆ ଅଣ୍ଡିନ୍ନେଜି ଅସୋୟ୍ ଲାବନ୍ ଡକୋ, ବନ୍ଡ ପୁରାଡ଼ାନ୍ ଆସନ୍ ଆ ଅଣ୍ଡିନ୍ନେଜି ଅଡ଼୍କୋନ୍ ସିଲଡ୍ ଲାବଡମ୍, ଇନିଆସନ୍ଗାମେଣ୍ଡେନ୍ କେନ୍ ବାତ୍ତେ ମନ୍ରାନ୍ ଆମେଙ୍ମତ୍ତା ଇଙନ୍ ଡ ଆର୍ରବୁଲଙ୍ତନ୍ ଆ ତିକ୍କି ନିୟ୍ ଲାବନ୍ ଡକୋ ।
9 Fidelis sermo, et omni acceptione dignus.
କେନ୍ ଆ ଞନଙ୍ଞଙ୍ବର୍ ଅରାସାନେଡମ୍ ଆରି କେନ୍ଆତେ ଆଜାଡ଼ିନ୍ ଗାମ୍ଲେ ଅଡ଼୍କୋ ମନ୍ରାଞ୍ଜି ଜାତଜି ।
10 In hoc enim laboramus, et maledicimur, quia speramus in Deum vivum, qui est Salvator omnium hominum, maxime fidelium.
ଅଙ୍ଗା ଅନୁର୍ମର୍ ଆମଙ୍ ଡର୍ରଞ୍ଜି ଡେନ୍ ଅଡ଼୍କୋ ମନ୍ରାନ୍ ଅନୁରନ୍ ଞାଙ୍ତଜି, ତି ଆମେଙ୍ ଇସ୍ୱରନ୍ ଆମଙ୍ ଆସାଡାଲନ୍ ଇନ୍ଲେନ୍ କାବ୍ବାଡ଼ାଞ୍ଜି ସଏଲେ କେନ୍ ଆ କାବ୍ବାଡ଼ା ଏଲୁମ୍ତାୟ୍ ।
11 Praecipe haec, et doce.
କେନ୍ ଅଡ଼୍କୋନ୍ ଆ ଞନଙ୍ଞଙ୍ବର୍ଜି ଆରି ବନାଁୟ୍ବରଞ୍ଜି ଆନିଞ୍ଜିଆଡଙ୍ ଞଙ୍ଞଙାଜି ।
12 Nemo adolescentiam tuam contemnat: sed exemplum esto fidelium in verbo, in conversatione, in charitate, in fide, in castitate.
କଡାଡ଼ିନମ୍, ଞଣ୍ଡ୍ରମ୍ନେନମ୍, ଡନୁଙ୍ୟମ୍ନମ୍, ଡର୍ନେନମ୍ ଡ ଜୁନେନମ୍ ମଡ଼ିର୍ ଗାମ୍ଲେ ଅବ୍ତୁୟ୍ଲନ୍ ଡେନ୍, ଆମନ୍ ଆବେଣ୍ଡିଆ ଜନଙ୍ଡେନ୍ ମଣ୍ଡଡ଼ିଲୋଙନ୍ ଆନ୍ନିଙ୍ ଅଃବ୍ବାସେଅମ୍ଜି ।
13 Dum venio, attende lectioni, exhortationi, et doctrinae.
ଞେନ୍ ଅମଙ୍ନମ୍ ଅଣ୍ଡ୍ରଙ୍ ଇୟାଞନ୍ ଜାୟ୍ ଡରମ୍ମ ସାସ୍ତ୍ରନ୍ ପଡ଼େନା, ମନ୍ରାଞ୍ଜି ଞଙ୍ଞଙାଜି ଆରି ଅପ୍ପୁଙ୍ବରାଜି ।
14 Noli negligere gratiam, quae in te est, quae data est tibi per prophetiam, cum impositione manuum presbyterii.
ମଣ୍ଡଡ଼ିନ୍ ଆ ପାପୁର୍ମର୍ଜି ପୁର୍ବାଃତେବରନ୍ ବର୍ରନ୍ ଡଅଙ୍ଲୋଙ୍ନମ୍ ଆସିଞ୍ଜି ଆଡ୍ରକ୍କୋଏଞ୍ଜି ଆଡିଡ୍ ଆମନ୍ ଅଙ୍ଗା ପୁରାଡ଼ା ଆ ବୋର୍ସା ଞାଙେନ୍, ତିଆତେ ଆମନ୍ ଆଡ଼ସାଡଙ୍ନେ ।
15 Haec meditare, in his esto: ut profectus tuus manifestus sit omnibus.
ଞେନ୍ ଅରିଡ୍ଲାଞନ୍ ଅଡ଼୍କୋନ୍ ଆ କାବ୍ବାଡ଼ାଜି ସମ୍ପରା ଉଗରନ୍ ବାତ୍ତେ ଞଣ୍ଡ୍ରମ୍ନା, ଆରି ଆମନ୍ ଲବ୍ଡୟ୍ଲନ୍ କାବ୍ବାଡ଼ାନମ୍ଜି ଲୁମା ।
16 Attende tibi, et doctrinae: insta in illis. Hoc enim faciens, et teipsum salvum facies, et eos qui te audiunt.
ଏତ୍ତେଲ୍ଡେନ୍ ଆମନ୍ ଅନୁରନ୍ ଞାଙ୍ତେ ଆରି ଆମନ୍ ଅମ୍ମେଲେ ଆନ୍ନାମରଞ୍ଜି ନିୟ୍ ଅନୁରନ୍ ଞାଙ୍ତଜି ।
