Psalmorum 97

1 Huic David, quando terra ejus restituta est. Dominus regnavit: exsultet terra; lætentur insulæ multæ.

Huic David, Quando terra eius restituta est. Dominus regnavit, exultet terra: lætentur insulæ multæ.

2 Nubes et caligo in circuitu ejus; justitia et judicium correctio sedis ejus.

Nubes, et caligo in circuitu eius: iustitia, et iudicium correctio sedis eius.

3 Ignis ante ipsum præcedet, et inflammabit in circuitu inimicos ejus.

Ignis ante ipsum præcedet, et inflammabit in circuitu inimicos eius.

4 Illuxerunt fulgura ejus orbi terræ; vidit, et commota est terra.

Illuxerunt fulgura eius orbi terræ: vidit, et commota est terra.

5 Montes sicut cera fluxerunt a facie Domini; a facie Domini omnis terra.

Montes, sicut cera fluxerunt a facie Domini: a facie Domini omnis terra.

6 Annuntiaverunt cæli justitiam ejus, et viderunt omnes populi gloriam ejus.

Annunciaverunt cæli iustitiam eius: et viderunt omnes populi gloriam eius.

7 Confundantur omnes qui adorant sculptilia, et qui gloriantur in simulacris suis. Adorate eum omnes angeli ejus.

Confundantur omnes, qui adorant sculptilia: et qui gloriantur in simulacris suis. Adorate eum omnes angeli eius:

8 Audivit, et lætata est Sion, et exsultaverunt filiæ Judæ propter judicia tua, Domine.

audivit, et lætata est Sion. Et exultaverunt filiæ Iudæ, propter iudicia tua Domine:

9 Quoniam tu Dominus altissimus super omnem terram; nimis exaltatus es super omnes deos.

Quoniam tu Dominus altissimus super omnem terram: nimis exaltatus es super omnes deos.

10 Qui diligitis Dominum, odite malum: custodit Dominus animas sanctorum suorum; de manu peccatoris liberabit eos.

Qui diligitis Dominum, odite malum: custodit Dominus animas sanctorum suorum, de manu peccatoris liberabit eos.

11 Lux orta est justo, et rectis corde lætitia.

Lux orta est iusto, et rectis corde lætitia.

12 Lætamini, justi, in Domino, et confitemini memoriæ sanctificationis ejus.

Lætamini iusti in Domino: et confitemini memoriæ sanctificationis eius.