Psalmorum 92
1 Psalmus cantici, in die sabbati. Bonum est confiteri Domino, et psallere nomini tuo, Altissime:
`The salm of `song, in the dai of sabath. It is good to knouleche to the Lord; and to synge to thi name, thou hiyeste.
2 ad annuntiandum mane misericordiam tuam, et veritatem tuam per noctem,
To schewe eerli thi merci; and thi treuthe bi nyyt.
3 in decachordo, psalterio; cum cantico, in cithara.
In a sautrie of ten cordis; with song in harpe.
4 Quia delectasti me, Domine, in factura tua; et in operibus manuum tuarum exsultabo.
For thou, Lord, hast delitid me in thi makyng; and Y schal make ful out ioye in the werkis of thin hondis.
5 Quam magnificata sunt opera tua, Domine! nimis profundæ factæ sunt cogitationes tuæ.
Lord, thi werkis ben magnefied greetli; thi thouytis ben maad ful depe.
6 Vir insipiens non cognoscet, et stultus non intelliget hæc.
An vnwise man schal not knowe; and a fool schal not vndirstonde these thingis.
7 Cum exorti fuerint peccatores sicut fœnum, et apparuerint omnes qui operantur iniquitatem, ut intereant in sæculum sæculi:
Whanne synneris comen forth, as hey; and alle thei apperen, that worchen wickidnesse.
8 tu autem Altissimus in æternum, Domine.
That thei perische in to the world of world; forsothe thou, Lord, art the hiyest, withouten ende. For lo!
9 Quoniam ecce inimici tui, Domine, quoniam ecce inimici tui peribunt; et dispergentur omnes qui operantur iniquitatem.
Lord, thin enemyes, for lo! thin enemyes schulen perische; and alle schulen be scaterid that worchen wickidnesse.
10 Et exaltabitur sicut unicornis cornu meum, et senectus mea in misericordia uberi.
And myn horn schal be reisid as an vnicorn; and myn eelde in plenteuouse merci.
11 Et despexit oculus meus inimicos meos, et in insurgentibus in me malignantibus audiet auris mea.
And myn iye dispiside myn enemyes; and whanne wickid men rysen ayens me, myn eere schal here.
12 Justus ut palma florebit; sicut cedrus Libani multiplicabitur.
A iust man schal floure as a palm tree; he schal be multiplied as a cedre of Liban.
13 Plantati in domo Domini, in atriis domus Dei nostri florebunt.
Men plauntid in the hous of the Lord; schulen floure in the porchis of the hous of oure God.
14 Adhuc multiplicabuntur in senecta uberi, et bene patientes erunt:
Yit thei schulen be multiplied in plenteuouse elde; and thei schulen be suffryng wel.
15 ut annuntient quoniam rectus Dominus Deus noster, et non est iniquitas in eo.
That thei telle, that oure Lord God is riytful; and no wickidnesse is in hym.
