Psalmorum 82

1 Psalmus Asaph. Deus stetit in synagoga deorum; in medio autem deos dijudicat.

Psalmus Asaph. Deus stetit in synagoga deorum: in medio autem deos diiudicat.

2 Usquequo judicatis iniquitatem, et facies peccatorum sumitis?

Usquequo iudicatis iniquitatem: et facies peccatorum sumitis?

3 Judicate egeno et pupillo; humilem et pauperem justificate.

Iudicate egeno, et pupillo: humilem, et pauperem iustificate.

4 Eripite pauperem, et egenum de manu peccatoris liberate.

Eripite pauperem: et egenum de manu peccatoris liberate.

5 Nescierunt, neque intellexerunt; in tenebris ambulant: movebuntur omnia fundamenta terræ.

Nescierunt, neque intellexerunt, in tenebris ambulant: movebuntur omnia fundamenta terræ.

6 Ego dixi: Dii estis, et filii Excelsi omnes.

Ego dixi: dii estis, et filii excelsi omnes.

7 Vos autem sicut homines moriemini, et sicut unus de principibus cadetis.

Vos autem sicut homines moriemini: et sicut unus de principibus cadetis.

8 Surge, Deus, judica terram, quoniam tu hæreditabis in omnibus gentibus.

Surge Deus, iudica terram: quoniam tu hereditabis in omnibus gentibus.