Psalmorum 63

1 Psalmus David, cum esset in deserto Idumææ. Deus, Deus meus, ad te de luce vigilo. Sitivit in te anima mea; quam multipliciter tibi caro mea!

Psalmus David, Cum esset in deserto Idumææ. Deus, Deus meus, ad te de luce vigilo. Sitivit in te anima mea, quam multipliciter tibi caro mea.

2 In terra deserta, et invia, et inaquosa, sic in sancto apparui tibi, ut viderem virtutem tuam et gloriam tuam.

In terra deserta, et invia, et inaquosa: sic in sancto apparui tibi, ut viderem virtutem tuam, et gloriam tuam.

3 Quoniam melior est misericordia tua super vitas, labia mea laudabunt te.

Quoniam melior est misericordia tua super vitas: labia mea laudabunt te.

4 Sic benedicam te in vita mea, et in nomine tuo levabo manus meas.

Sic benedicam te in vita mea: et in nomine tuo levabo manus meas.

5 Sicut adipe et pinguedine repleatur anima mea, et labiis exsultationis laudabit os meum.

Sicut adipe et pinguedine repleatur anima mea: et labiis exultationis laudabit os meum.

6 Si memor fui tui super stratum meum, in matutinis meditabor in te.

Si memor fui tui super stratum meum, in matutinis meditabor in te:

7 Quia fuisti adjutor meus, et in velamento alarum tuarum exsultabo.

quia fuisti adiutor meus. Et in velamento alarum tuarum exultabo,

8 Adhæsit anima mea post te; me suscepit dextera tua.

adhæsit anima mea post te: me suscepit dextera tua.

9 Ipsi vero in vanum quæsierunt animam meam: introibunt in inferiora terræ;

Ipsi vero in vanum quæsierunt animam meam, introibunt in inferiora terræ:

10 tradentur in manus gladii: partes vulpium erunt.

tradentur in manus gladii, partes vulpium erunt.

11 Rex vero lætabitur in Deo; laudabuntur omnes qui jurant in eo: quia obstructum est os loquentium iniqua.

Rex vero lætabitur in Deo, laudabuntur omnes qui iurant in eo: quia obstructum est os loquentium iniqua.