Psalmorum 60
1 In finem, pro his qui immutabuntur, in tituli inscriptionem ipsi David, in doctrinam, cum succendit Mesopotamiam Syriæ et Sobal, et convertit Joab, et percussit Idumæam in valle Salinarum duodecim millia. Deus, repulisti nos, et destruxisti nos; iratus es, et misertus es nobis.
Psalmus In finem, Pro his, qui immutabuntur, in tituli inscriptionem David in doctrinam, cum succendit Mesopotamiam Syriam, et Sobal, et convertit Ioab, et percussit Edom in valle Salinarum duodecim millia. Deus repulisti nos, et destruxisti nos: iratus es, et misertus es nobis.
2 Commovisti terram, et conturbasti eam; sana contritiones ejus, quia commota est.
Commovisti terram, et conturbasti eam: sana contritiones eius, quia commota est.
3 Ostendisti populo tuo dura; potasti nos vino compunctionis.
Ostendisti populo tuo dura: potasti nos vino compunctionis.
4 Dedisti metuentibus te significationem, ut fugiant a facie arcus; ut liberentur dilecti tui.
Dedisti metuentibus te significationem: ut fugiant a facie arcus: Ut liberentur dilecti tui:
5 Salvum fac dextera tua, et exaudi me.
salvum fac dextera tua, et exaudi me.
6 Deus locutus est in sancto suo: lætabor, et partibor Sichimam; et convallem tabernaculorum metibor.
Deus locutus est in sancto suo: Laetabor, et partibor Sichimam: et convallem tabernaculorum metibor.
7 Meus est Galaad, et meus est Manasses; et Ephraim fortitudo capitis mei. Juda rex meus;
Meus est Galaad, et meus est Manasses: et Ephraim fortitudo capitis mei. Iuda rex meus:
8 Moab olla spei meæ. In Idumæam extendam calceamentum meum: mihi alienigenæ subditi sunt.
Moab olla spei meae. In Idumaeam extendam calceamentum meum: mihi alienigenae subditi sunt.
9 Quis deducet me in civitatem munitam? quis deducet me usque in Idumæam?
Quis deducet me in civitatem munitam? quis deducet me usque in Idumaeam?
10 nonne tu, Deus, qui repulisti nos? et non egredieris, Deus, in virtutibus nostris?
Nonne tu Deus, qui repulisti nos: et non egredieris Deus in virtutibus nostris?
11 Da nobis auxilium de tribulatione, quia vana salus hominis.
Da nobis auxilium de tribulatione: quia vana salus hominis.
12 In Deo faciemus virtutem; et ipse ad nihilum deducet tribulantes nos.
In Deo faciemus virtutem: et ipse ad nihilum deducet tribulantes nos.
