Psalmorum 37
1 Psalmus ipsi David. Noli æmulari in malignantibus, neque zelaveris facientes iniquitatem:
Psalmus ipsi David. Noli æmulari in malignantibus: neque zelaveris facientes iniquitatem.
2 quoniam tamquam fœnum velociter arescent, et quemadmodum olera herbarum cito decident.
Quoniam tamquam fœnum velociter arescent: et quemadmodum olera herbarum cito decident.
3 Spera in Domino, et fac bonitatem; et inhabita terram, et pasceris in divitiis ejus.
Spera in Domino, et fac bonitatem: et inhabita terram, et pasceris in divitiis eius.
4 Delectare in Domino, et dabit tibi petitiones cordis tui.
Delectare in Domino: et dabit tibi petitiones cordis tui.
5 Revela Domino viam tuam, et spera in eo, et ipse faciet.
Revela Domino viam tuam, et spera in eo: et ipse faciet.
6 Et educet quasi lumen justitiam tuam, et judicium tuum tamquam meridiem.
Et educet quasi lumen iustitiam tuam: et iudicium tuum tamquam meridiem:
7 Subditus esto Domino, et ora eum. Noli æmulari in eo qui prosperatur in via sua; in homine faciente injustitias.
subditus esto Domino, et ora eum. Noli æmulari in eo, qui prosperatur in via sua: in homine faciente iniustitias.
8 Desine ab ira, et derelinque furorem; noli æmulari ut maligneris.
Desine ab ira, et derelinque furorem: noli æmulari ut maligneris.
9 Quoniam qui malignantur exterminabuntur; sustinentes autem Dominum, ipsi hæreditabunt terram.
Quoniam qui malignantur, exterminabuntur: sustinentes autem Dominum, ipsi hereditabunt terram.
10 Et adhuc pusillum, et non erit peccator; et quæres locum ejus, et non invenies.
Et adhuc pusillum, et non erit peccator: et quæres locum eius, et non invenies.
11 Mansueti autem hæreditabunt terram, et delectabuntur in multitudine pacis.
Mansueti autem hereditabunt terram, et delectabuntur in multitudine pacis.
12 Observabit peccator justum, et stridebit super eum dentibus suis.
Observabit peccator iustum: et stridebit super eum dentibus suis.
13 Dominus autem irridebit eum, quoniam prospicit quod veniet dies ejus.
Dominus autem irridebit eum: quoniam prospicit quod veniet dies eius.
14 Gladium evaginaverunt peccatores; intenderunt arcum suum: ut dejiciant pauperem et inopem, ut trucident rectos corde.
Gladium evaginaverunt peccatores: intenderunt arcum suum. Ut deiiciant pauperem et inopem: ut trucident rectos corde.
15 Gladius eorum intret in corda ipsorum, et arcus eorum confringatur.
Gladius eorum intret in corda ipsorum: et arcus eorum confringatur.
16 Melius est modicum justo, super divitias peccatorum multas:
Melius est modicum iusto, super divitias peccatorum multas.
17 quoniam brachia peccatorum conterentur: confirmat autem justos Dominus.
Quoniam brachia peccatorum conterentur: confirmat autem iustos Dominus.
18 Novit Dominus dies immaculatorum, et hæreditas eorum in æternum erit.
Novit Dominus dies immaculatorum: et hereditas eorum in æternum erit.
19 Non confundentur in tempore malo, et in diebus famis saturabuntur:
Non confundentur in tempore malo, et in diebus famis saturabuntur:
20 quia peccatores peribunt. Inimici vero Domini mox ut honorificati fuerint et exaltati, deficientes quemadmodum fumus deficient.
quia peccatores peribunt. Inimici vero Domini mox ut honorificati fuerint et exaltati: deficientes, quemadmodum fumus deficient.
21 Mutuabitur peccator, et non solvet; justus autem miseretur et tribuet:
Mutuabitur peccator, et non solvet: iustus autem miseretur et tribuet.
22 quia benedicentes ei hæreditabunt terram; maledicentes autem ei disperibunt.
Quia benedicentes ei hereditabunt terram: maledicentes autem ei disperibunt.
23 Apud Dominum gressus hominis dirigentur, et viam ejus volet.
Apud Dominum gressus hominis dirigentur: et viam eius volet.
24 Cum ceciderit, non collidetur, quia Dominus supponit manum suam.
Cum ceciderit, non collidetur: quia Dominus supponit manum suam.
25 Junior fui, etenim senui; et non vidi justum derelictum, nec semen ejus quærens panem.
Iunior fui, etenim senui: et non vidi iustum derelictum, nec semen eius quærens panem.
26 Tota die miseretur et commodat; et semen illius in benedictione erit.
Tota die miseretur et commodat: et semen illius in benedictione erit.
27 Declina a malo, et fac bonum, et inhabita in sæculum sæculi:
Declina a malo, et fac bonum: et inhabita in sæculum sæculi.
28 quia Dominus amat judicium, et non derelinquet sanctos suos: in æternum conservabuntur. Injusti punientur, et semen impiorum peribit.
Quia Dominus amat iudicium, et non derelinquet sanctos suos: in æternum conservabuntur. Iniusti punientur: et semen impiorum peribit.
29 Justi autem hæreditabunt terram, et inhabitabunt in sæculum sæculi super eam.
Iusti autem hereditabunt terram: et inhabitabunt in sæculum sæculi super eam.
30 Os justi meditabitur sapientiam, et lingua ejus loquetur judicium.
Os iusti meditabitur sapientiam, et lingua eius loquetur iudicium.
31 Lex Dei ejus in corde ipsius, et non supplantabuntur gressus ejus.
Lex Dei eius in corde ipsius: et non supplantabuntur gressus eius.
32 Considerat peccator justum, et quærit mortificare eum.
Considerat peccator iustum: et quærit mortificare eum.
33 Dominus autem non derelinquet eum in manibus ejus, nec damnabit eum cum judicabitur illi.
Dominus autem non derelinquet eum in manibus eius: nec damnabit eum cum iudicabitur illi.
34 Exspecta Dominum, et custodi viam ejus, et exaltabit te ut hæreditate capias terram: cum perierint peccatores, videbis.
Expecta Dominum, et custodi viam eius: et exaltabit te ut hereditate capias terram: cum perierint peccatores videbis.
35 Vidi impium superexaltatum, et elevatum sicut cedros Libani:
Vidi impium superexaltatum, et elevatum sicut cedros Libani.
36 et transivi, et ecce non erat; et quæsivi eum, et non est inventus locus ejus.
Et transivi, et ecce non erat: et quæsivi eum, et non est inventus locus eius.
37 Custodi innocentiam, et vide æquitatem, quoniam sunt reliquiæ homini pacifico.
Custodi innocentiam, et vide æquitatem: quoniam sunt reliquiæ homini pacifico.
38 Injusti autem disperibunt simul; reliquiæ impiorum interibunt.
Iniusti autem disperibunt simul: reliquiæ impiorum interibunt.
39 Salus autem justorum a Domino; et protector eorum in tempore tribulationis.
Salus autem iustorum a Domino: et protector eorum in tempore tribulationis.
40 Et adjuvabit eos Dominus, et liberabit eos; et eruet eos a peccatoribus, et salvabit eos, quia speraverunt in eo.
Et adiuvabit eos Dominus, et liberabit eos: et eruet eos a peccatoribus, et salvabit eos: quia speraverunt in eo.
