Psalmorum 33

1 Psalmus David. Exsultate, justi, in Domino; rectos decet collaudatio.

Fatgo avu'ava'ma nehaza vahe'mota zagamera huta Ra Anumzamofona musena hunteho. Na'ankure fatgo avu'ava'ma nehia vahe'mo'ma Ra Anumzamofo agima erisgama haniana knare hugahie.

2 Confitemini Domino in cithara; in psalterio decem chordarum psallite illi.

Hapu zavena neheta zagamera huta Ra Anumzamofona agia erisga nehuta, 10ni'a strini nofi'ma me'nea zavenagu'ma laeriema nehaza zavena neheta zagamera huta musena hiho.

3 Cantate ei canticum novum; bene psallite ei in vociferatione.

Kasefa zagame huta agia erisga hiho. Knarezantfa huta zavena neheta ranke huta agi'a erisga huta musena hiho.

4 Quia rectum est verbum Domini, et omnia opera ejus in fide.

Na'ankure Ra Anumzamofonkea tamage naneke me'neankino, nazano hugahuema hu'nea zantamina Agra ana maka nehie.

5 Diligit misericordiam et judicium; misericordia Domini plena est terra.

Ra Anumzamo'a fatgo avu'avazane, mago zanke'ma huno maka zama refkohu avu'ava zanku'ene avenesigeno, ama mopafina Agri vagaore avesizamo avite'ne.

6 Verbo Domini cæli firmati sunt, et spiritu oris ejus omnis virtus eorum.

Ra Anumzamo'a ke higeno mona fore nehigeno, Agra ke higeno monafima me'nea hanafitamine zagene ikanena fore hu'ne.

7 Congregans sicut in utre aquas maris; ponens in thesauris abyssos.

Agra, Ra Anumzamo hagerina repapa higeno magokepina umareno moriri huno marerigeno, tinkerifima tima afinteankna huno hagerina magokepi renatinte'ne.

8 Timeat Dominum omnis terra; ab eo autem commoveantur omnes inhabitantes orbem.

Maka ama mopafima mani'naza vahe'mo'za Ra Anumzamofonku korora hunte'za agoraga'a maniho. Maka ama mopafi vahe'mo'za Agrira kesga hu'za monora hunte'za agorga maniho.

9 Quoniam ipse dixit, et facta sunt; ipse mandavit et creata sunt.

Na'ankure Agra ke nehigeno ama mopa fore hu'ne. Agra huno, efore huo huno higeno ama mopamo'a efore hu'no me'ne.

10 Dominus dissipat consilia gentium; reprobat autem cogitationes populorum, et reprobat consilia principum.

Ama mopafi vahe'mo'zama e'ina hugahune hu'zama antahintahima retro'ma haza antahintahia Ra Anumzamo'a zamahe savri nehuno, mika zama hugahune hu'zama kema anakiza zana eri haviza nehie.

11 Consilium autem Domini in æternum manet; cogitationes cordis ejus in generatione et generationem.

Hianagi Ra Anumzamo'ma mago'zama hunaku'ma antahintahima retro'ma hu'nenia zamo'a mevava huno vugahie. Hugahue huno'ma hu'nenia zana Agra tamage huno fore'ma hu anante anante'ma hanigeno manino vania vahete'enena meno vugahie.

12 Beata gens cujus est Dominus Deus ejus; populus quem elegit in hæreditatem sibi.

Ra Anumzanku'ma tagri Anumzane hu'zama hanaza vahe'mo'za muse nehinkeno, Nagri fenozane huno'ma eri santimahare'nea vahe'mo'za muse hiho.

13 De cælo respexit Dominus; vidit omnes filios hominum.

Monafinkatira Ra Anumzamo'a kefenka atreno ama mopafima mani'naza vahera maka nezamagie

14 De præparato habitaculo suo respexit super omnes qui habitant terram:

Agrama nemania kumapintira kefenka ateno mika ama mopafima nemaniza vahera nezamage.

15 qui finxit sigillatim corda eorum; qui intelligit omnia opera eorum.

Agra vahe'mofo tumora trohunte'neankino, maka zama hu'na zana antahino keno nehie.

16 Non salvatur rex per multam virtutem, et gigas non salvabitur in multitudine virtutis suæ.

Hankavenentake sondia vahetmimo'za kini nera agura ovazi'nageno, harafa sondia ne'mo'a agra'a hanave'aretira kini nera agura ovazigahie

17 Fallax equus ad salutem; in abundantia autem virtutis suæ non salvabitur.

Hosi afu'mo'za naza hanage'na hara agateregahue hunka amuhara osuo. Na'ankure hosi afu'mofo hankavemo'a kaza huno kagura ovazigahie.

18 Ecce oculi Domini super metuentes eum, et in eis qui sperant super misericordia ejus:

Hianagi Ra Anumzamo'a Agriku'ma koro'ma hu'za agoraga'ama nemani'za, vagaore avesizama'mofonte'ma amuha'ma nehaza vahete avua anteno nege.

19 ut eruat a morte animas eorum, et alat eos in fame.

Agra frizampintira zamagu'nevazino agatonto knafina zamatrege'za ne'zankura nofrize.

20 Anima nostra sustinet Dominum, quoniam adjutor et protector noster est.

Ra Anumzamofonku tagra avega anteta manineta amuhara nehunankino, Agrake'za hankotia mani'neankino, taza hugahie.

21 Quia in eo lætabitur cor nostrum, et in nomine sancto ejus speravimus.

Agriku tagu'amo'a musena nehie, na'ankure tagra, Agri ruotge agifi tamentintia nehune.

22 Fiat misericordia tua, Domine, super nos, quemadmodum speravimus in te.

Ra Anumzamoka kagripi amuha zantia me'neanki, vagaore kavesi'zanteti maka knafina kegava hunka refiteranto.