Psalmorum 24

1 Prima sabbati. Psalmus David. Domini est terra, et plenitudo ejus; orbis terrarum, et universi qui habitant in eo.

The song of Dauid. The erthe and the fulnesse therof is `the Lordis; the world, and alle that dwellen therynne `is the Lordis.

2 Quia ipse super maria fundavit eum, et super flumina præparavit eum.

For he foundide it on the sees; and made it redi on floodis.

3 Quis ascendet in montem Domini? aut quis stabit in loco sancto ejus?

Who schal stie in to the hil of the Lord; ethir who schal stonde in the hooli place of hym?

4 Innocens manibus et mundo corde, qui non accepit in vano animam suam, nec juravit in dolo proximo suo:

The innocent in hondis, and in cleene herte; whiche took not his soule in veyn, nether swoor in gile to his neiybore.

5 hic accipiet benedictionem a Domino, et misericordiam a Deo salutari suo.

`This man schal take blessyng of the Lord; and mercy of God his helthe.

6 Hæc est generatio quærentium eum, quærentium faciem Dei Jacob.

This is the generacioun of men sekynge hym; of men sekynge the face of God of Jacob.

7 Attollite portas, principes, vestras, et elevamini, portæ æternales, et introibit rex gloriæ.

Ye princes, take vp youre yatis, and ye euerelastynge yatis, be reisid; and the kyng of glorie schal entre.

8 Quis est iste rex gloriæ? Dominus fortis et potens, Dominus potens in prælio.

Who is this kyng of glorie? the Lord strong and myyti, the Lord myyti in batel.

9 Attollite portas, principes, vestras, et elevamini, portæ æternales, et introibit rex gloriæ.

Ye princes, take vp youre yatis, and ye euerlastynge yatis, be reisid; and the kyng of glorie schal entre.

10 Quis est iste rex gloriæ? Dominus virtutum ipse est rex gloriæ.

Who is this kyng of glorie? the Lord of vertues, he is the kyng of glorie.