Psalmorum 23

1 Psalmus David. Dominus regit me, et nihil mihi deerit:

Psalmus David, in finem. Dominus regit me, et nihil mihi deerit:

2 in loco pascuæ, ibi me collocavit. Super aquam refectionis educavit me;

in loco pascuae ibi me collocavit. Super aquam refectionis educavit me:

3 animam meam convertit. Deduxit me super semitas justitiæ propter nomen suum.

animam meam convertit. Deduxit me super semitas iustitiae, propter nomen suum.

4 Nam etsi ambulavero in medio umbræ mortis, non timebo mala, quoniam tu mecum es. Virga tua, et baculus tuus, ipsa me consolata sunt.

Nam, et si ambulavero in medio umbrae mortis, non timebo mala: quoniam tu mecum es. Virga tua, et baculus tuus: ipsa me consolata sunt.

5 Parasti in conspectu meo mensam adversus eos qui tribulant me; impinguasti in oleo caput meum: et calix meus inebrians, quam præclarus est!

Parasti in conspectu meo mensam, adversus eos, qui tribulant me. Impinguasti in oleo caput meum: et calix meus inebrians quam praeclarus est!

6 Et misericordia tua subsequetur me omnibus diebus vitæ meæ; et ut inhabitem in domo Domini in longitudinem dierum.

Et misericordia tua subsequetur me omnibus diebus vitae meae: et ut inhabitem in domo Domini, in longitudinem dierum.