Psalmorum 21

1 In finem. Psalmus David. Domine, in virtute tua lætabitur rex, et super salutare tuum exsultabit vehementer.

Psalmus David, in finem. Domine in virtute tua laetabitur rex: et super salutare tuum exultabit vehementer.

2 Desiderium cordis ejus tribuisti ei, et voluntate labiorum ejus non fraudasti eum.

Desiderium cordis eius tribuisti ei: et voluntate labiorum eius non fraudasti eum.

3 Quoniam prævenisti eum in benedictionibus dulcedinis; posuisti in capite ejus coronam de lapide pretioso.

Quoniam praevenisti eum in benedictionibus dulcedinis: posuisti in capite eius coronam de lapide pretioso.

4 Vitam petiit a te, et tribuisti ei longitudinem dierum, in sæculum, et in sæculum sæculi.

Vitam petiit a te: et tribuisti ei longitudinem dierum in saeculum, et in saeculum saeculi.

5 Magna est gloria ejus in salutari tuo; gloriam et magnum decorem impones super eum.

Magna est gloria eius in salutari tuo: gloriam et magnum decorem impones super eum.

6 Quoniam dabis eum in benedictionem in sæculum sæculi; lætificabis eum in gaudio cum vultu tuo.

Quoniam dabis eum in benedictionem in saeculum saeculi: laetificabis eum in gaudio cum vultu tuo.

7 Quoniam rex sperat in Domino, et in misericordia Altissimi non commovebitur.

Quoniam rex sperat in Domino: et in misericordia Altissimi non commovebitur.

8 Inveniatur manus tua omnibus inimicis tuis; dextera tua inveniat omnes qui te oderunt.

Inveniatur manus tua omnibus inimicis tuis: dextera tua inveniat omnes, qui te oderunt.

9 Pones eos ut clibanum ignis in tempore vultus tui: Dominus in ira sua conturbabit eos, et devorabit eos ignis.

Pones eos ut clibanum ignis in tempore vultus tui: Dominus in ira sua conturbabit eos, et devorabit eos ignis.

10 Fructum eorum de terra perdes, et semen eorum a filiis hominum,

Fructum eorum de terra perdes: et semen eorum a filiis hominum.

11 quoniam declinaverunt in te mala; cogitaverunt consilia quæ non potuerunt stabilire.

Quoniam declinaverunt in te mala; cogitaverunt consilia, quae non potuerunt stabilire.

12 Quoniam pones eos dorsum; in reliquiis tuis præparabis vultum eorum.

Quoniam pones eos dorsum: in reliquiis tuis praeparabis vultum eorum.

13 Exaltare, Domine, in virtute tua; cantabimus et psallemus virtutes tuas.

Exaltare Domine in virtute tua: cantabimus et psallemus virtutes tuas.