Psalmorum 140

1 In finem. Psalmus David. Eripe me, Domine, ab homine malo; a viro iniquo eripe me.

To victorie, the salm of Dauith. Lord, delyuere thou me fro an yuel man; delyuere thou me fro a wickid man.

2 Qui cogitaverunt iniquitates in corde, tota die constituebant prælia.

Whiche thouyten wickidnesses in the herte; al dai thei ordeyneden batels.

3 Acuerunt linguas suas sicut serpentis; venenum aspidum sub labiis eorum.

Thei scharpiden her tungis as serpentis; the venym of snakis vndir the lippis of hem.

4 Custodi me, Domine, de manu peccatoris, et ab hominibus iniquis eripe me. Qui cogitaverunt supplantare gressus meos:

Lord, kepe thou me fro the hond of the synnere; and delyuere thou me fro wickid men. Which thouyten to disseyue my goyngis;

5 absconderunt superbi laqueum mihi. Et funes extenderunt in laqueum; juxta iter, scandalum posuerunt mihi.

proude men hidden a snare to me. And thei leiden forth cordis in to a snare; thei settiden sclaundir to me bisidis the weie.

6 Dixi Domino: Deus meus es tu; exaudi, Domine, vocem deprecationis meæ.

I seide to the Lord, Thou art mi God; Lord, here thou the vois of my biseching.

7 Domine, Domine, virtus salutis meæ, obumbrasti super caput meum in die belli.

Lord, Lord, the vertu of myn heelthe; thou madist schadowe on myn heed in the dai of batel.

8 Ne tradas me, Domine, a desiderio meo peccatori: cogitaverunt contra me; ne derelinquas me, ne forte exaltentur.

Lord, bitake thou not me fro my desire to the synnere; thei thouyten ayens me, forsake thou not me, lest perauenture thei ben enhaunsid.

9 Caput circuitus eorum: labor labiorum ipsorum operiet eos.

The heed of the cumpas of hem; the trauel of her lippis schal hile hem.

10 Cadent super eos carbones; in ignem dejicies eos: in miseriis non subsistent.

Colis schulen falle on hem, thou schalt caste hem doun in to fier; in wretchidnessis thei schulen not stonde.

11 Vir linguosus non dirigetur in terra; virum injustum mala capient in interitu.

A man a greet ianglere schal not be dressid in erthe; yuels schulen take an vniust man in perisching.

12 Cognovi quia faciet Dominus judicium inopis, et vindictam pauperum.

I haue knowe, that the Lord schal make dom of a nedi man; and the veniaunce of pore men.

13 Verumtamen justi confitebuntur nomini tuo, et habitabunt recti cum vultu tuo.

Netheles iust men schulen knouleche to thi name; and riytful men schulen dwelle with thi cheer.